الەم • 07 ماۋسىم، 2021

ءۇندىستاندا بالالار اراسىندا قاۋىپتى سيندروم تاراپ جاتىر

1950 رەت كورسەتىلدى

ءۇندىستاندا كوروناۆيرۋسپەن اۋىرىپ شىققان بالالار اراسىندا قاۋىپتى سيندروم تاراپ جاتىر، دەپ حابارلايدى Egemen.kz.

ەل بويىنشا 2 مىڭنان اسا بالادان مۋلتيجۇيەلىك قوزدىرعىش سيندروم (MIS-C) انىقتالعان. قازىر اۋرۋدان زارداپ شەككەن بالانىڭ 70 پايىزىنا ينتەنسيۆ تەراپيا قاجەت.

MIS-C كوبىنە 5-15 جاس ارالىعىنداعى بالالاردا كوروناۆيرۋس جۇقتىرعاننان كەيىن ەكى-التى اپتا ارالىعىندا انىقتالىپ جاتىر. باستاپقىدا دەنە قىزۋى كوتەرىلىپ، ارتىنشا ورگاندار قابىنا باستايدى. 

«سالدارىنان جۇرەك، تىنىس الۋ جانە بۇيرەك جەتكىلىكسىزدىگى بولۋى مۇمكىن. اۋرۋدان ايىققان بالانىڭ جاعدايى ونىڭ مۇشەلەرى قانشالىقتى زاقىمدانعانىنا بايلانىستى بولادى. ونى ەرتە كەزدەن انىقتاعان دۇرىس»، دەيدى دەليدەگى لەدي حارديندج مەديتسينالىق كوللەدجىنىڭ پەدياتريا ءبولىمىنىڭ ديرەكتورى حاريش پەمدە.

زەرتتەۋ ناتيجەسى بويىنشا كوروناۆيرۋسپەن بايلانىستى MIS-C سيندرومى انىقتالعان بالالاردا نەۆرولوگيالىق بەلگىلەر بايقالعان. كوبىنە باس اۋرۋى سەكىلدى بەلگى دە بولعان. بىراق بالالاردا گالليۋتسيناتسيا جانە ءسىڭىردىڭ تارتىلۋى سەكىلدى قاۋىپتى بەلگىلەر بايقالا باستاعان. 

باستاپقىدا MIS-C كاۆاساكي اۋرۋىمەن بايلانىستى دەپ ەسەپتەلگەن.

ايتا كەتەيىك، كاۆاساكي العاش بىلتىر ساۋىردە ۇلىبريتانيا، يتاليا جانە يسپانيادا انىقتالعان.

وزگە دە سيمپتومداردان: بورتپە، كونيۋنكتيۆيت، گيپوتونيا نە شوك جانە كواگۋلوپاتيا بەلگىلەرى بايقالعان. ەمدەۋ كەزىندە يممۋنوگلوبۋلينمەن ەمدەۋ جانە كورتيكوستەرويدتار قولدانىلىپ جاتىر. سيندروم سيرەك كەزدەسكەنىمەن، بالا ءۇشىن ول ۆيرۋستان دا قاۋىپتى بولۋى مۇمكىن. 

سوڭعى جاڭالىقتار

شيرەك فينالعا ءوتتى

تەننيس • كەشە

ۇقساس جاڭالىقتار