ايماقتار • 07 ماۋسىم، 2021

الماتىدا كارتيندىك شەكتەۋلەردى بۇزعان نىساندار جاۋاپقا تارتىلدى

الماتىدا 4-7 ماۋسىم ارالىعىندا بەلگىلەنگەن شەكتەۋلەردى بۇزعان 36 جاعداي انىقتالدى، دەپ حابارلايدى Egemen.kz وڭىرلىك كوممۋنيكاتسيالار قىزمەتىنە سىلتەمە جاساپ.

ايىم ءداۋىت

دەمالىس كۇندەرى مونيتورينگتىك توپتار كۇشەيتىلگەن رەجيمدە جۇمىس ىستەدى.

ايتا كەتسەك، الماتىدا 4 ماۋسىمنان 5 ماۋسىمعا قاراعان ءتۇنى بەلگىلەنگەن شەكتەۋدى بۇزعان 19 جاعداي انىقتالدى.

ءتارتىپ بۇزعاندار تىزىمىندە:

اۋەزوۆ اۋدانىنداعى «دوستار سارايى» مەيرامحاناسى 150 ادامعا ارنالعان ۇيلەنۋ تويىن وتكىزگەن. سول ۋاقىتتا بوستاندىق اۋدانىنا قاراستى Han Sarai مەيرامحاناسىندا دا توي وتكەن. مەدەۋ اۋدانىندا The Monkey كافەسىندە 150-گە جۋىق ادام بولسا، «نەبو» بارىندا دا 120-عا جۋىق ادام جينالىپ، زاڭبۇزۋشىلىققا جول بەرگەن.

5 ماۋسىمنان 6 ماۋسىمعا قاراعان ءتۇنى تەكسەرۋشىلەردىڭ موبيلدىك توبى بەلگىلەنگەن شەكتەۋگە باعىنباعان 14 جاعدايدى انىقتادى.

ناۋرىزباي اۋدانىنداعى «يلحام» مەيرامحاناسىندا 150 ادامعا ەسەپتەلگەن سالتاناتتى ءىس-شارا وتكەن.

بوستاندىق اۋدانىنىڭ تەكسەرۋشىلەرى Hide Park ويىن-ساۋىق پاركىنىڭ فۋدكورتىندا 150-گە جۋىق ادامنىڭ جينالعانىن انىقتادى.

مەدەۋ اۋدانىندا ىشىندە 150-گە جۋىق ادام بولعان «اتموسفەرا» مەيرامحاناسىن انىقتادى. تاعى ءبىر زاڭ بۇزۋشىلىق 200 ادام جينالعان «لەيد نايد شوۋ» انىقتادى.

6 ماۋسىمنان 7 ماۋسىمعا قاراعان ءتۇنى مەگاپوليستە 3 زاڭ بۇزۋشىلىق تىركەلدى.

«دوس» كومپيۋتەرلىك كلۋبىندا 40-قا جۋىق ادام بولسا، مەدەۋ اۋدانىنداعى «پينتا» بارىندا دا 100-گە جۋىق ادام جينالىپ، زاڭبۇزۋشىلىققا جول بەرگەن.

وسى جىلدىڭ 20 ناۋرىزى مەن 7 ماۋسىم ارالىعىندا بارلىق بەلگىلەنگەن شەكتەۋلەردى بۇزعان 1088 جاعداي انىقتالدى.

الماتى اكىمدىگى قالا تۇرعىندارى مەن قوناقتارىن كارانتين رەجيمىن قاتاڭ ساقتاۋعا، جۇقتىرۋ قاۋپىن ازايتۋ ماقساتىندا سالتاناتتى ءىس-شارالارعا، ادام كوپ جينالاتىن جەردەن اۋلاق بولۋعا شاقىرادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز