الەم • 07 ماۋسىم، 2021

3 جاستان اسقان بالالارعا ۆاكتسينا سالۋعا رۇقسات ەتىلدى

77 رەت كورسەتىلدى

قىتاي 3 جاستان 17 جاسقا دەيىنگى بالالارعا COVID-19-عا قارسى Sinovac Biotech ۆاكتسيناسىن قولدانۋدى ماقۇلدادى، دەپ حابارلايدى Egemen.kz Reuters-كە سىلتەمە جاساپ.

Sinovac فارماتسەۆتيكا كومپانياسىنىڭ باسشىسى ين ۆايدۋننىڭ ايتۋىنشا، ەگدە جاستاعى ادامدارمەن سالىستىرعاندا كامەلەتكە تولماعان بالالاردىڭ كوروناۆيرۋسقا قارسى ۆاكتسيناتسياعا باسىمدىعى تومەن.

سونىمەن قاتار كلينيكالىق سىناقتارعا 17 جاسقا دەيىنگى 500-دەن اسا بالا قاتىسقان. ولار ۆاكتسينانىڭ كىشى جانە ورتاشا دوزاسىن الدى. I جانە II فازانىڭ الدىن الا ناتيجەسى 3 جاستان 17 جاسقا دەيىنگى ۆاكتسينا الۋشى بالالاردا يممۋندىق رەاكتسيا تۋدىرۋى مۇمكىن ەكەنىن كورسەتكەن، ال جاعىمسىز رەاكتسيانىڭ كوبى جەڭىل تۇردە وتەدى.

ين ۆايدۋن جاس توپتار ءۇشىن Sinovac ۆاكتسيناسىن ەنگىزۋ مەرزىمى دەنساۋلىق ساقتاۋ ورگاندارى قابىلداعان قىتايدىڭ ۆاكتسيناتسيا ستراتەگياسىنا بايلانىستى ەكەنىن ايتتى.

بۇرىن Sinovac Sinopharm-نان كەيىن ددۇ ماقۇلداعان ەكىنشى قىتاي ۆاكتسيناسى بولعان ەدى. Sinovac پرەپاراتىنىڭ ءبىرىنشى پارتياسى الماتىعا 1 ماۋسىمدا كەلگەن بولاتىن. قازاقستان وڭىرلەرىنە كوروناۆيرۋسقا قارسى ءتورتىنشى ۆاكتسينانى جەتكىزۋ 12 ماۋسىمنان كەيىن باستالادى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار