قور دەرەگى بويىنشا ازىرگە ەڭ جوعارى تابىستىلىق – Jýsan Invest اق ەنشىسىندە. بۇل اكتسيونەرلىك قوعامنىڭ سەنىمگەرلىك باسقارۋىندا 1,2 ملرد تەڭگە جاتىر. ءبىر ايداعى ءوسىم 83,31 پايىزدى كورسەتكەن. زەينەتاقى جيناعى پورتفەلىندەگى نەگىزگى ۇلەستى Exchange Traded Funds باعالى قاعازدارى الىپ وتىر – 46,36 پايىز. جىل بويعى ەسەپتەلگەن ينۆەستيتسيالىق تابىس مولشەرى 30,24 ملن تەڭگەنى قۇراسا, سونىڭ 25,37 ملن-ى – باعالى قاعازداردى نارىقتىق قايتا باعالاۋدان تۇسكەن تابىس. زەينەتاقى اكتيۆتەرىنىڭ تابىستىلىعى 3,69 پايىزعا جەتكەن.
ال BCC Invest اق باسقارۋىندا 540,5 ملن تەڭگە بار. پورتفەلدىڭ 28,34 پايىزىن ETF پايى قۇرايدى. ەسەپتەلگەن ينۆەستيتسيالىق تابىس مولشەرى 5,02 ملن تەڭگە شاماسىندا. زەينەتاقى اكتيۆتەرىنىڭ كىرىستىلىگى 1,26 پايىزعا باعالانعان. ەسەپتەلگەن ينۆەستيتسيالىق تابىستىڭ باسىم بولىگى كەرى رەپو وپەراتسيالارى بويىنشا سىياقىدان جانە شەتەل ۆاليۋتاسىن قايتا باعالاۋدان تۇسكەن.
تاعى ءبىر جەكە باسقارۋشى كومپانيا – سەنتراس سەكيۋريتيز اق-دا سالىمشىلاردىڭ 337,35 ملن تەڭگەسى بار. پورتفەلدەگى نەگىزگى ۇلەس قارجى مينيسترلىگىنىڭ باعالى قاعازدارىنا تيەسىلى – 79,31 پايىز. ەسەپتەلگەن ينۆەستيتسيالىق تابىس مولشەرى – 2,64 ملن تەڭگە. بۇل كومپانياداعى زەينەتاقى اكتيۆتەرىنىڭ تابىستىلىعى – 0,87 پايىز.
Halyk Global Markets اق وزىنە بۇيىرعان 751,17 ملن تەڭگەنى باسقارۋمەن اينالىسۋدا. پورتفەلدىڭ نەگىزىن كەرى رەپو وپەراتسيالارى قۇراپ تۇر. ونىڭ ۇلەسى شامامەن 73,42 پايىز كولەمىندە. 2021 جىلدىڭ 1 مامىرىنداعى جاعداي بويىنشا ەسەپتەلگەن ينۆەستيتسيالىق تابىس مولشەرى – 5,01 ملن تەڭگە. ال زەينەتاقى اكتيۆتەرىنىڭ تابىستىلىعى 0,8 پايىزعا تەڭ.
ءساۋىر ايىندا زەينەتاقى اكتيۆتەرىن كەزەڭ-كەزەڭىمەن سىرتقى باسقارۋشى كومپانيالارعا بەرۋ شەڭبەرىندە شەتەلدىك ەميتەنتتەردىڭ جالپى سوماسى 14,31 ملرد تەڭگەنى قۇرايتىن دەپوزيتارلىق قولحاتتارى اۋدارىلدى. ۇلتتىق بانكتىڭ سەنىمگەرلىك باسقارۋىندا 12,59 ترلن تەڭگە كولەمىندەگى زەينەتاقى اكتيۆتەرى قالعان. جىل باسىنان بەرى ەسەپتەلگەن ينۆەستيتسيالىق تابىس مولشەرى 488,52 ملرد تەڭگەنى قۇراعان. ال سالىمشىلاردىڭ شوتىنا بولىنگەن بجزق زەينەتاقى اكتيۆتەرىنىڭ تابىستىلىعى 3,8 پايىزدى قۇراعان, بۇل رەتتە ينفلياتسيا دەڭگەيى – 2,70 پايىز. وسىلايشا, بجزق زەينەتاقى اكتيۆتەرى بويىنشا شىنايى تابىس 1,1 پايىزعا تەڭ.
