«ن.نازارباەۆ حالىقارالىق اۋەجايىندا «Scat» اۆياكومپانياسىنىڭ «نۇر-سۇلتان – اتىراۋ» باعىتىنداعى 765-ءشى رەيسى كەشىگۋدە. كەستە بويىنشا ساعات 13.55-تە ۇشىپ شىعۋى ءتيىس بولاتىن. الدىمەن ساعات 18.00, كەيىن 19.30-عا دەيىن شەگەرىلدى. ەندى تۇنگى ساعات 00.00-گە دەيىن كەشىگەتىنى حابارلانادى. ۇشاقتىڭ كەشىگۋ سەبەبى – اۋە كەمەسىنىڭ اقاۋى.
سونداي-اق ءمالىم ەتىلگەندەي, «Scat» اۋە كومپانياسىنىڭ «نۇر-سۇلتان – اقتوبە» باعىتىنداعى تاعى ءبىر رەيسى ۇشىپ شىعۋ كەستەسىنەن اۋىتقىعان. «سەبەپ – اۋە كەمەسىنىڭ كەشىگىپ كەلۋى», دەدى ءانۋار شالەكەنوۆ.
