كونستيتۋتسيالىق كەڭەس اتالعان زاڭدى كونستيتۋتسياعا سايكەس دەپ تابا وتىرىپ, ونىڭ جەكەلەگەن ەرەجەلەرىنىڭ دالمە-ءدال تۇجىرىمدالماعانىنا جانە ساباقتاس نورمالارمەن ۇيلەسپەيتىنىنە نازار اۋداردى. ونداي ءماتىن زاڭ نورمالارىن وڭ تۇسىنبەۋگە, سونىڭ سەبەبىنەن تەرىس قولدانۋعا جاعداي جاساۋى مۇمكىن.
ماسەلەن, زاڭ كونسۋلتانتىنىڭ قۇپياسىن ساقتاۋ مىندەتىنەن الىپ تاستاۋلاردى زاڭعا تاۋەلدى نورماتيۆتىك قۇقىقتىق اكتىلەردە بەلگىلەۋگە جول بەرىلمەيدى دەپ تانىلدى. كەڭەستىڭ پىكىرىنشە, زاڭ كونسۋلتانتتارىنىڭ كاسىپتىك قۇپيانى ساقتاۋ مىندەتى ولاردىڭ كليەنتتەرىنىڭ جەكە ومىرىنە قول سۇعىلماۋىنا, ءوزىنىڭ جانە وتباسىنىڭ قۇپياسى بولۋىنا كونستيتۋتسيالىق قۇقىقتارىن قامتاماسىز ەتۋگە باعىتتالعان, سول سەبەپتى ودان الىپ تاستاۋلار تەك زاڭدارمەن رەتتەلۋى ءتيىس.
شەشىمدە ادۆوكاتتى ليتسەنزيادان ايىرۋ جانە ونىڭ ادۆوكاتتار القاسىنداعى مۇشەلىگىن توقتاتۋ ءراسىمىن, ونىڭ ىشىندە اتتەستاتتاۋ قورىتىندىلارى بويىنشا, بۇل ارەكەتتەردىڭ ناقتى پروتسەدۋراسىن انىقتاۋ مۇمكىن ەمەستىگى اتاپ ءوتىلدى.
كەڭەس ادۆوكاتتار كورسەتەتىن زاڭ كومەگىنىڭ تۇرلەرىنە قاتىستى تۇزەتۋلەردىڭ ۇيلەسپەيتىنىن انىقتادى. بەيىندى زاڭدا ولاردىڭ تىزبەسىنەن قۇقىقتىق ماسەلەلەر بويىنشا انىقتامالار بەرۋ الىپ تاستالعان. دەي تۇرعانمەن, قىلمىستىق-اتقارۋ كودەكسىندە سوتتالعانداردىڭ وسىنداي انىقتامالار الۋ قۇقىعى ساقتالعان.
كەڭەس قۇرامى زاڭ كونسۋلتانتتارى پالاتالارىنىڭ ەرىكتى مۇشەلىگىنە نەگىزدەلگەن كوممەرتسيالىق ەمەس ۇيىم رەتىندە رەسپۋبليكالىق زاڭ كونسۋلتانتتارى القاسىن قۇرۋدى كوزدەيتىن زاڭنىڭ ەرەجەلەرىن سىني تۇرعىدان باعالادى. كونستيتۋتسيالىق كەڭەس زاڭدا پالاتالار جارنالارىنىڭ تومەنگى شەگىن بەكىتۋ جانە باسقا شارالاردى ىسكە اسىرۋ, ەگەر ولار زاڭ كونسۋلتانتتارىنىڭ بۇكىل قوعامداستىعىنا قاتىستى بولسا, ولار كورسەتەتىن زاڭ كومەگىنىڭ ساپاسىن ارتتىرۋعا ىقپال ەتسە جانە قىزمەتتىڭ ءبىر سالاسى وكىلدەرىنىڭ اراسىندا تەڭدىكتى بۇزۋ ءۇشىن جاعداي جاساماسا, ورىندى بولۋى مۇمكىن, دەپ ەسەپتەيدى.
بۇدان باسقا, زاڭدا زاڭ كومەگىن كورسەتۋ ماسەلەلەرىن قۇقىقتىق رەتتەۋ دەڭگەيلەرىنە قاتىستى ىشكى قايشىلىقتار انىقتالدى. ەگەر كەيبىر نورمالاردا بۇل ماسەلەلەر تەك زاڭدارمەن رەگلامەنتتەلۋى مۇمكىن دەپ كورسەتىلسە, ال باسقا نورمالاردا زاڭدىق كۇشى تومەن وزگە دە نورماتيۆتىك قۇقىقتىق اكتىلەرمەن رەتتەۋگە جول بەرىلگەن.
باياندالعاندى ەسكەرە وتىرىپ, كونستيتۋتسيالىق كەڭەس قۇقىقتىق كولليزيالاردى جويۋ ماقساتىندا زاڭ شىعارۋشىنىڭ نازارىن اعىمداعى زاڭشىعارماشىلىق قىزمەتى اياسىندا قوسىمشا شارالار قابىلداۋ قاجەتتىگىنە اۋداردى.
كونستيتۋتسيالىق كەڭەس اتاپ كورسەتكەندەي, بىلىكتى زاڭ كومەگىن الۋ قۇقىعى ءاربىر ادامنىڭ ءوزى زاڭدىق ماڭىزى بار ارەكەتتەر جاساعان كەزدە جوعارى بىلىكتى زاڭگەرلەردىڭ كاسىبي كومەگىن پايدالانۋ مۇمكىندىگىن كوزدەيدى. وسى قۇقىق نەگىزگى زاڭدا بەكىتىلگەن سوت ارقىلى قورعالۋ قۇقىعىن جانە سوت تورەلىگى قاعيداتتارىن ىسكە اسىرۋمەن تىعىز بايلانىستى.
وسىعان ورايدا مەملەكەت جەكە ادامنىڭ اتالعان قۇقىعىنا كەپىلدىك بەرۋ ءۇشىن دە, بىلىكتى زاڭ كومەگىن كورسەتەتىن تۇلعالار قىزمەتىنىڭ تيىمدىلىگىن قامتاماسىز ەتۋ ءۇشىن دە ءتيىستى جاعدايلار جاساۋ ماقساتىندا قاجەتتى نورماتيۆتىك-قۇقىقتىق, ۇيىمداستىرۋشىلىق جانە وزگە سيپاتتاعى شارالاردى قابىلداۋى ءتيىس.
كونستيتۋتسيالىق كەڭەس قاۋلىسىنىڭ تولىق ءماتىنى باسىلىمداردا جانە كەڭەستىڭ سايتىندا جاريالانادى.
https://ksrk.gov.kz/ru/solutions/normativnoe-postanovlenie-konstitucion…
