قۇجاتتا قازاقستانعا ءۇدىستاننان كەلگەن جانە سوڭعى 14 كۇن ىشىندە سوندا بولعان ادامداردى 14 كۇنگە ۇيدە وقشاۋلاۋ كەرەكتىگى ايتىلعان.
ء«ۇي كارانتينىنە وقشاۋلاۋ پتر-تەستىڭ تەرىس ناتيجەسى بار انىقتامانىڭ جانە COVID-19-عا قارسى ۆاكتسيناتسيانىڭ بولعانىنا قاراماستان جۇرگىزىلەدى», دەپ جازىلعان قاۋلىدا.
سونداي-اق قازاقستان رەسپۋبليكاسىنا شەتەلدەن اۆيارەيستەرمەن, تەمىرجولمەن, ترانزيتپەن, تەڭىز جانە وزەن كولىگىمەن, اۆتكولىكپەن كەلەتىن ادامدارعا قاتىستى ءىس-شارالار تارتىبىنە دە وزگەرىس ەنگىزىلدى. كەلۋشىلەردى ەرتىپ جۇرەتىن ادامداردا مەرزىمى 3 كۇننەن اسپاعان پتر- انىقتاما بولۋى كەرەك.
تەك الىپ جۇرەتىن ادامداردا انىقتاما بولعان جاعدايدا 5 جاسقا دەيىنگى بالالارعا, سونداي-اق قۇجاتتامالىق راستاۋدى ۇسىنعان كەزدە COVID-19-عا قارسى ۆاكتسينالاۋدىڭ تولىق كۋرسىن العان ازاماتتارعا انىقتاما ۇسىنۋ تالاپ ەتىلمەيدى.
