ايماقتار • 04 ماۋسىم، 2021

پاۆلوداردا 54 زاڭ بۇزۋشىلىق انىقتالدى

37 رەت كورسەتىلدى

بيىلعى بەس ايدا پاۆلودار وبلىسىنىڭ ەكولوگيا دەپارتامەنتى 25 تەكسەرۋ جۇمىسىن جۇرگىزدى. ونىڭ 15-ءى – جوسپارسىز تەكسەرىس، دەپ حابارلايدى Egemen.kz

قالانىڭ ەكولوگيالىق احۋالىنا الاڭدايتىن تۇرعىندار قويۋ قارا ءتۇتىندى، زاڭسىز قوقىس ورىندارىن جانە تاعى باسقا كەلەڭسىز جايتتاردى سۋرەت پەن بەينەگە ءتۇسىرىپ، ەكولوگيا دەپارتامەنتىنە جولداۋدى، الەۋمەتتىك جەلىلەرگە جۇكتەۋدى داستۇرگە اينالدىرعان.

سالا ماماندارى سول دالەلدەردىڭ نەگىزىندە جوسپارسىز تەكسەرىس وتكىزۋگە قۇقىلى. وبلىستىق ەكولوگيا دەپارتامەنتىنىڭ باسشىسى ءىلياس قۇرامىسوۆتىڭ سوزىنشە، سونداي شاعىمداردىڭ نەگىزىندە ءىرى ءسۇت وڭدەۋشىلەردىڭ ءبىرى – «مولكوم-پاۆلودار» جشس-نە ەسكەرتۋ جاسالىپ، 3،5 ملن تەڭگە كولەمىندە ايىپپۇل سالىندى.

«دەپارتامەنتتىڭ سىناق زەرتحاناسى قازاندىقتا ءتيىستى ولشەمدەردى جۇرگىزىپ، اۋانى لاستايتىن زاتتاردىڭ كولەمى نورمادان اسقانىن كورسەتتى»، دەيدى ءى.قۇرامىسوۆ.

سول سياقتى «قازاۆتوجول» جشس قازاندىعىنىڭ شاڭ مەن كومىرسۋتەك ديوكسيدىن شامادان تىس شىعاراتىنى انىقتالدى.

«مايكوبەن-ۆەست» كومىر كەنىشى دە ەميسسيا كولەمىن ءتيىستى نورمادان اسىردى. جالپى، جىل باسىنان بەرى قورشاعان ورتانى قورعاۋعا قاتىستى زاڭدى تۇلعالاردان 100-دەن استام جانە تۇرعىنداردان 27 شاعىم ءتۇستى.

سونىڭ ناتيجەسىندە 54 زاڭبۇزۋشىلىق انىقتالىپ، كاسىپورىندارعا 65 ملن تەڭگە كولەمىندە ايىپپۇل سالىندى. شىعىن كولەمى 4 ملن تەڭگە بولاتىن تاعى 13 ءىس بويىنشا ماتەريالدار اكىمشىلىك سوتقا جولداندى.

سوڭعى جاڭالىقتار

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار