ماڭعىستاۋ وبلىسى جىلىنا ورتا ەسەپپەن 11,5 مىڭ توننا تاۋىق ەتىن تۇتىنادى, ال وسى ۋاقىتقا دەيىن بۇل ءونىم يمپورتقا تاۋەلدى بولىپ كەلگەن.
جاڭا قۇس فابريكاسىنىڭ قۋاتتىلىعى جىلىنا 5 مىڭ تونناعا جۋىق تاۋىق ەتىن شىعاراتىن بولادى.
ءباسپاسوز قىزمەتىنىڭ اقپاراتىنا سايكەس, اعىمداعى جىلدىڭ ءساۋىر ايىنىڭ باسىندا 38,5 مىڭ كولەمىندەگى جۇمىرتقانىڭ ءبىرىنشى پارتياسى قۇس فابريكاسىنداعى ينكۋباتورعا سالىندى. ءدال وسىنداي كولەمدەگى ەكىنشى پارتيا 16 كۇننەن كەيىن قويىلدى. برويلەر بالاپاندارىن العاش رەت ءساۋىر ايىنىڭ سوڭىندا شىعاردى, ال مامىر ايىنىڭ سوڭىندا قۇس فابريكاسىندا قۇستاردى سويىپ, دۇكەندەرگە وتكىزە باستادى.
اقتاۋ اگرو كەشەنى 3 ۇلكەن الاڭنان تۇرادى, ولار: ينكۋباتور, 30 مىڭ باسقا ارنالعان 16 قۇس قوراسى, وندا ساعاتىنا 2 مىڭ باس تاۋىق سويادى. بارلىق دۇكەندەردە برويلەرلەر تاۋىق ەتىن ۇستاۋعا جانە ساتۋعا قاجەتتى جابدىقتار قويىلعان, ونىڭ ىشىندە عىلىمي زەرتحانا مەن ۆەتەرينارلىق پوست بار.
مۇنايلى اۋدانىندا قۇس فابريكاسىن سالۋمەن قاتار, قۋاتتىلىعى ساعاتىنا 10 مىڭ توننا جەم شىعاراتىن جەم زاۋىتى ىسكە قوسىلدى. قۇس فابريكاسىنان بولەك, جەرگىلىكتى مال وسىرەتىن فەرمالار دا جەم-شوپپەن قامتاماسىز ەتىلەدى.
