«AIBA دۋبايدا وتكەن بوكستان ازيا چەمپيوناتىندا بەلگىلى ءبىر جەكپە-جەكتەرمەن بايلانىستى تورەلىكتە تۋىنداعان ىقتيمال پروبلەمالار مەن ايىپتاۋلار جونىندە حاباردار. AIBA مۇنداي ايىپتاۋلارعا وتە بايىپتى قارايدى. AIBA بىرنەشە ۇلتتىق بوكس فەدەراتسيالارىمەن ءوزارا ارەكەتتەستىكتەن كەيىن, تورەشىلەر كوميتەتى بارلىق ءتيىستى تاعايىندالعان لاۋازىمدى تۇلعالاردىڭ جۇمىسىنا جەدەل تەرگەۋ جۇرگىزەتىنىن كۇتەدى جانە بۇل جاعدايدا جاۋاپ بەرۋ كەرەك پە, جوق پا, سونى انىقتاۋ ءۇشىن AIBA-نىڭ تارتىپتىك كوميتەتىنە ءوز تۇجىرىمدارى تۋرالى مۇمكىندىگىنشە تەزىرەك حابارلايتىنىنان ءۇمىتتى.
مۇنداي جاعدايدا تارتىپتىك كوميتەتكە قۇزىرەتتىلىكتىڭ جەتىسپەۋشىلىگىنە, مانيپۋلياتسياعا نەمەسە سىبايلاس جەمقورلىققا بايلانىستى دۇرىس ەمەس شەشىمدەر قابىلدانعان-قابىلدانباعانىن انىقتاۋ ءۇشىن دەرەۋ تاۋەلسىز ساراپتاما جۇرگىزۋگە قۇقىق بەرىلەدى. پرەزيدەنت ومار كرەملەۆتىڭ جاڭا باسشىلىعىمەن AIBA بوكس تورەلىگى ماسەلەلەرىن تاۋەلسىز ساراپتاما ارقىلى شەشۋگە نيەتتى ەكەنىن ايقىن كورسەتتى.
ريو-2016 ءتۋرنيرىن قوسا العاندا, الدىڭعى ماسەلەلەرگە تولىق تاۋەلسىز تەرگەۋ جۇرگىزۋ تاپسىرىلدى. ادىلەتسىز ايقاستارعا كىنالى دەپ تانىلعان كەز كەلگەن لاۋازىمدى تۇلعا AIBA جارىستارىنا قاتىسۋ قۇقىعىنان ءبىرجولا ايىرىلادى. پرەزيدەنت كرەملەۆ جانە AIBA-داعىلار بارلىق بوكسشىعا ارقاشان دا ءادىل جەكپە-جەك وتكىزۋگە مۇمكىندىك بەرىلۋىن قامتاماسىز ەتۋگە دايىن. بۇدان كەيىنگى جاڭالىقتار تەرگەۋ جانە رەفورما پروتسەسىنىڭ نەگىزگى كەزەڭدەرى اياقتالعاننان كەيىن جاريالانادى», دەلىنگەن AIBA رەسمي مالىمدەمەسىندە.
