الماتى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى تاراتقان حابارلامادا ءوڭىردىڭ كەي ايماقتارىندا 37 گرادۋسقا دەيىن ىستىق بولىپ, ءورت قاۋپىنىڭ ساقتالاتىنى ەسكەرتىلىپ وتىر.
«قازگيدرومەت» رەسپۋبليكالىق كوممۋنالدىق كاسىپورنى 3 ماۋسىمدا داۋىلدى ەسكەرتۋ جاريالادى. سونىڭ نەگىزىندە 4 ماۋسىم كۇنى الماتى وبلىسىنىڭ كەيبىر اۋماقتارىندا نايزاعاي جارقىلدايدى. شاڭدى داۋىل سوعىپ, بۇرشاق جاۋى مۇمكىن. سونداي-اق كۇندىز كەي ايماقتاردا 37 گرادۋسقا دەيىن اپتاپ ىستىق بولادى جانە جوعارى ءورت قاۋپى ساقتالادى.
سونىمەن قاتار ىلە الاتاۋى مەن جەتىسۋ الاتاۋى تاۋلارىندا ازداعان وتكىنشى جاڭبىر جاۋىپ, كۇن كۇركىرەيدى, بۇرشاق جاۋى مۇمكىن. جەل باتىستان سوعادى. نايزاعاي كەزىندە جەلدىڭ ەكپىنى 25 م/س دەيىن جەتەدى. الماتى وبلىسىنىڭ تجد ازاماتتاردى اۋا رايىنىڭ وزگەرۋىن باقىلاۋعا الىپ, ساقتىق شارالارىن ساقتاۋعا شاقىرادى», دەلىنگەن ۆەدومستۆونىڭ حابارلاماسىندا.
