مەركى اۋدانى كەڭەس اۋىلدىق وكرۋگىنە قاراستى جاۋعاش باتىر اۋىلىندا جالپى 89 ادام تۇرادى. مۇندا 23 ءتۇتىن بار. اتالعان اۋىل اۋدان ورتالىعىنان 80 شاقىرىم جەردە ورنالاسقان. قازىرگى تاڭدا جاۋعاش باتىر اۋىلى كورشى قىرعىز مەملەكەتىنەن ەلەكتر قۋاتىن الۋدا. وسىعان وراي, اۋدان اكىمدىگى تاراپىنان وتكەن جىلى جوبالىق-سمەتالىق قۇجاتتاما ازىرلەۋ ماقساتىندا تەحنيكالىق شارت الىنىپ جانە جوبالاۋ-ىزدەستىرۋ جۇمىستارى ازىرلەندى. تەحنيكالىق شارتقا سايكەس, قوسىلۋ نۇكتەسى بلوگوۆەششەنكو اۋىلىندا ورنالاسقان قوسالقى ستانساسىنان بەرىلگەن. سونىمەن قاتار اتالعان ەلدىمەكەنگە جانە «قاراتاۋ» اسكەري بولىمشەسىنە ورناتىلاتىن ترانسفورماتورلارعا مەملەكەتتىك اكتى ازىرلەندى.
بۇگىندە جامبىل وبلىسى اكىمدىگىنىڭ مەملەكەتتىك ساتىپ الۋ باسقارماسى تاراپىنان مەملەكەتتىك ساتىپ الۋ كونكۋرسى وتكىزىلىپ, ناتيجەسى بويىنشا جوبالاۋشى مەكەمە بولىپ 15134,922 تەڭگەگە «كورپوراتسيا «اسىل-ستروي» جاۋاپكەرشىلىگى شەكتەۋلى سەرىكتەستىگى انىقتالدى. قازىرگى تاڭدا جوبالاۋشى مەكەمە تاراپىنان توپوگرافيكالىق ءتۇسىرىلىم جاساۋ جۇمىستارى جۇرگىزىلۋدە. جوبا ازىرلەنىپ, ساراپتاما قورىتىندىسى الىنعاننان كەيىن, بەلگىلەنگەن تارتىپپەن بيۋدجەتتەن قاراجات قارالىپ, قۇرىلىس مونتاجداۋ جۇمىستارى جۇرگىزىلەتىن بولادى.
بەرىك بەگاليەۆ,
مەركى اۋدانى اكىمىنىڭ ورىنباسارى
