باقىت سۇلتانوۆ وزبەكستان قازاقستاننىڭ ورتالىق ازياداعى نەگىزگى ساۋدا سەرىكتەسى ەكەنىن اتاپ ءوتتى. ماسەلەن, اعىمداعى كەزەڭدەگى ستاتيستيكالىق دەرەكتەر تاۋارلار ساۋداسى كولەمىنىڭ ۇدەمەلى قالپىنا كەلۋىن راستايدى.
«تەك 2021 جىلدىڭ قاڭتار-ءساۋىر ايلارىندا تاۋار اينالىمى $1,2 ملرد-تى قۇرادى, بۇل وتكەن جىلدىڭ سايكەس كەزەڭىنىڭ كورسەتكىشىنەن 41,3% جوعارى ($0,8 ملرد.). ەكسپورت 54% ءوسىپ, $899,2 ملن-دى قۇرادى, يمپورت 11% ارتىپ, $272,0 ملن-دى قۇرادى», دەپ مالىمدەدى باقىت سۇلتانوۆ.
وزبەكستان جىل باسىنان بەرى يمپورتقا اكتسيزدەردى قولدانۋدى توقتاتتى. 4 اي كولەمىندە قازاقستاننان وزبەكستانعا اكتسيزدەلەتىن تاۋارلار ەكسپورتىنىڭ 85 تاۋار پوزيتسيالارى بويىنشا (سەق تن 10 بەلگىسىندە) $50,3 ملن سوماسىنا 74,3% وسكەنى بايقالادى, ەكسپورت كولەمى $28,9 ملن-عا جەتتى.
سونىمەن قاتار قوس تاراپ 2021 جىلعى 10 ساۋىردە حسەىو كاپسۋلاسىن سالۋ ءراسىمىنىڭ قورىتىندىسى بويىنشا قول قويىلعان «ورتالىق ازيا» حالىقارالىق ساۋدا-ەكونوميكالىق ىنتىماقتاستىق ورتالىعىنىڭ قىزمەتىن ۇيىمداستىرۋ جونىندەگى ءىس-شارالار جوسپارىن» ىسكە اسىرۋ بارىسىن ەگجەي-تەگجەيلى تالقىلادى.
ءوز كەزەگىندە وزبەكستان رەسپۋبليكاسى ينۆەستيتسيالار جانە سىرتقى ساۋدا ءمينيسترىنىڭ ورىنباسارى بادريددين ابيدوۆ «حسەىو» جوباسى اياسىندا وزبەكستان بارلىق ساۋدا كەدەرگىلەرىن جويۋعا جانە ءوزارا ساۋدانى كۇشەيتۋگە دايىن ەكەنىن جەتكىزدى.
