ايماقتار • 02 ماۋسىم، 2021

تۇرعىنداردىڭ 185 ميلليون تەڭگەسىن جىمقىرعان الاياق سوتتالدى

61 رەت كورسەتىلدى

الماتىدا تۇرعىنداردى 185 ميلليون تەڭگەدەن استام سوماعا الداپ سوققان الاياق سوتتالدى، دەپ حابارلايدى Egemen.kz Polisia.kz-كە سىلتەمە جاساپ.

2019 جىلدىڭ تامىزىندا 64 ادام ديلفۋزا الدابەرگەنوۆاعا قارسى 185 ميلليون 802 مىڭ 400 تەڭگەنى قۇرايتىن ماتەريالدىق زالال كەلتىرىلگەندىگى تۋرالى ۇجىمدىق مالىمدەمە جاساعان. بۇل فاكت بوستاندىق اۋداندىق پب-نىڭ سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە قر قك-ءنىڭ 190-بابى 3-بولىگى 1،4-تارماقتارى بويىنشا تىركەلگەن. 

«سوتقا دەيىنگى تەرگەۋ بارىسىندا انىقتالعانى، 2018 جىلدىڭ ماۋسىم ايىنان باستاپ، 2019 جىلدىڭ قىركۇيەك ايىنا دەيىن ازاماتشا الدابەرگەنوۆا الەۋمەتتىك جەلىلەر ارقىلى ينۆەستيتسيالىق جوبانىڭ اشىلاتىندىعىن جاريالادى. جوبانىڭ ءمانى بۋكمەكەرلىك كەڭسەلەرگە، سونداي-اق ءارتۇرلى بيزنەس-جوبالارعا اقشا سالۋ ارقىلى قاراجاتتى كوبەيتۋ بولدى. وسىلايشا، سالىمشىلار 30% جانە 50% پايدا تابۋ ءۇشىن بانكتىك كارتالار ارقىلى ۇيىمداستىرۋشىعا جانە باسقا ادامدارعا قاراجات اۋدارعان. بىراق كەيىننەن ەشقانداي پايدا تاپپاعان. ال ازاماتشا الدابەرگەنوۆا سالىنعان قاراجاتتى تۇرعىندارعا قايتارماعان. تەرگەۋ بارىسىندا كۇدىكتى ۇستالىپ، سوت شەشىمىمەن قاماۋعا الىندى»، دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۇستەم ءابدراحمانوۆ.

تەرگەۋ ديلفۋزا الدابەرگەنوۆانىڭ كىناسىن دالەلدەدى. قىلمىستىق ءىس بويىنشا ءىس جۇرگىزۋ كۋالاندىرىلىپ، ولاردىڭ ماتەريالدارى سوتقا جىبەرىلدى. المالى اۋداندىق سوتىنىڭ سۋدياسى د.الدابەرگەنوۆاعا قاتىستى قر قك-ءنىڭ 190-بابى 4-بولىگى 2-تارماعى جانە قر قك-ءنىڭ 217-بابى 3-بولىگى 2-تارماعى بويىنشا التى جىل سەگىز اي مەرزىمگە باس بوستاندىعىنان ايىرۋ تۋرالى ۇكىم شىعاردى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار