سونداي-اق جوندەلمەگەن جولدار اقىلى بولمايدى. مينيسترلىكتىڭ رەسمي دەرەگى بويىنشا, قازىر ەلدەگى اقىلى جولداردا جەڭىل اۆتوموبيل ءۇشىن ءبىر شاقىرىمدىق تاريف – 1 تەڭگە. ال اۆتوبۋستار ءۇشىن ونداعى ورىندىق سانىنا بايلانىستى ءبىر شاقىرىمعا 5-15 تەڭگە ارالىعىندا. اۋىر جۇك كولىك يەلەرى ءبىر شاقىرىمعا 5 تەڭگەدەن 25 تەڭگەگە دەيىن تولەيدى.
ايتا كەتەيىك, ەلىمىزدە رەسپۋبليكالىق ماڭىزى بار جولداردىڭ جالپى ۇزىندىعى – 25 مىڭ شاقىرىم. كۇتىپ ۇستاۋعا جىل سايىن 40 ملرد تگ جۇمسالادى.
«كورشى ەلدەردە اقىلى جۇيە بۇرىننان بار. ونداعى تاريفتىك مولشەرلەمەلەر ءبىزدىڭ ەلدەگى كورسەتكىشپەن سالىستىرعاندا الدەقايدا جوعارى. سالىستىرىپ قارايتىن بولساق, رەسەي فەدەراتسياسىندا جۇك كولىكتەرى 1 شاقىرىم ءۇشىن 22 تەڭگە تولەيدى. يتاليا مەن گەرمانيادا ورتا ەسەپپەن العاندا – 70 تەڭگە. بەلارۋس رەسپۋبليكاسىندا – 80 تگ, ال حورۆاتيادا جۇك كولىگى ءۇشىن جولدا ءجۇرۋ 122 تەڭگەنى قۇرايدى», دەيدى اتامقۇلوۆ.
قازاق جول عىلىمي-زەرتتەۋ ينستيتۋتىنىڭ ماماندارى اۋىر جۇك كولىكتەرى ءۇشىن ءتاريفتى 38 تەڭگەگە دەيىن كوتەرۋدى ۇسىنعان بولاتىن. بىراق مينيسترلىك پەن سالالىق ۆەدومستۆو بۇل ۇسىنىستى بەكىتكەن جوق.
«قازىر 2013 جىلعى تاريف قولدانىلىپ وتىر», دەيدى ۆەدومستۆو باسشىسى.
2025 جىلعا دەيىن اۆتوجولداردىڭ 11 مىڭ شاقىرىمىنا اقىلى جۇيەنى ەنگىزۋ جوسپارلانعان.
