ايماقتار • 01 ماۋسىم، 2021

الماتىعا قىتايلىق ۆاكتسينانىڭ العاشقى پارتياسى كەلدى

36 رەت كورسەتىلدى

قىتايلىق «CoronaVac» ۆاكتسيناسىنىڭ 500 مىڭ دوزالىق العاشقى پارتياسى بەيجىڭنەن الماتىعا اكەلىندى، دەپ حابارلايدى Egemen.kz.

پرەپەراتتى قىتايلىق Sinovac Biotech Ltd بيوفارماتسەۆتيكا كومپانياسى وندىرگەن. ول ارنايى بورتپەن جەتكىزىلدى.

بۇل – الداعى كۇندەرى قر ازاماتتارىنا كوروناۆيرۋس ينفەكتسياسىنا قارسى ۆاكتسيناتسيا ءۇشىن قولدانىلاتىن ءتورتىنشى پرەپارات بولماق.

ء«بىز ەكى ەلدىڭ ۋاعدالاستىعى ارقاسىندا باعا جەتپەس جۇك الدىق. بۇل ۆاكتسينا قازاقستانداعى جاعدايدى تۇراقتاندىرۋعا جانە ودان ءارى جاقسارتۋعا قىزمەت ەتەدى. پرەپارات ەرتەڭ الماتىنىڭ ەگۋ پۋنكتىلەرىندە قولجەتىمدى بولادى جانە ۇجىمدىق يممۋنيتەتتى قالىپتاستىرۋعا كومەكتەسەدى. بۇگىندە الماتىدا 300 مىڭنان استام ادامعا ەكپە سالىندى. ءبىز قالا تۇرعىندارىن ءوزىنىڭ جانە جاقىندارىنىڭ دەنساۋلىعىنا بايىپتى قاراۋعا شاقىرامىز، ۆاكتسينا – بۇگىندە كوروناۆيرۋس ينفەكتسياسىنىڭ الدىن الۋدىڭ ەڭ ءتيىمدى قۇرالى»،  دەدى قالانىڭ باس سانيتار دارىگەرى جانداربەك بەكشين.

CoronaVac ۆاكتسيناسىن قازاقستان اۋماعىندا قولدانۋعا قر دەنساۋلىق ساقتاۋ مينيسترلىگى ماقۇلدادى جانە ەلدە قولدانىلىپ جۇرگەن QazVac، «سپۋتنيك V» جانە Hayat Vax ۆاكتسينالارىنىڭ تىزبەسىن تولىقتىرادى.

سونىمەن قاتار قر ءسىم الماتى قالاسىنداعى وكىلدىگىنىڭ باسشىسى اسقار شوقىباەۆ قحر-دان CoronaVac ۆاكتسيناسىن جەتكىزۋ تۋرالى ۋاعدالاستىقتى ىسكە اسىرۋ COVID-19 پاندەمياسىنا بىرلەسىپ قارسى تۇرۋدا قىتايلىق ارىپتەستەرمەن باستالعان ىنتىماقتاستىقتى تابىستى جالعاستىرۋدىڭ مىسالى رەتىندە قاراستىرىلاتىنىن ايتتى.

حابارلانعانداي، كەلىپ تۇسكەن ۆاكتسينا پارتياسى قولدانىستاعى قازاقستاندىق جانە رەسەيلىك ۆاكتسينالارمەن قاتار ەلىمىزدىڭ بارلىق ەگۋ پۋنكتىلەرىندە قولجەتىمدى بولادى.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار