قوعام • 31 مامىر، 2021

سوت سالاسى دا ونلاين فورماتقا اۋىستى

117 رەت كورسەتىلدى

«استانا» حالىقارالىق قارجى ورتالىعىنىڭ زاڭناماسى ەۋرازيالىق ەكونوميكالىق وداق، ورتالىق ازيا، كاۆكاز، باتىس قىتاي، موڭعوليا مەن تاياۋ شىعىس ەلدەرى ءۇشىن بىرەگەي بيزنەس جانە قارجى ورتالىعى، دەپ حابارلايدى Egemen.kz.

قارجى ورتالىعىندا قازىرگى تاڭدا China Development Bank، China Construction Bank Corporation، «حالىق فينانس» اق، «التىن بانكى» اق، «قازاتومونەركاسىپ» اق، SkyBridge Invest ا، Freedom Finance Global Plc.، iKapitalist، Kazakhstan Energy Reinsurance Company، Unicorn سەكىلدى 792 شەتەلدىك جانە وتاندىق ءىرى كومپانيا جۇمىس ىستەپ جاتىر.

بۇگىنگە دەيىن كومپانيالار احقو سوتى جانە حتو ەسكەرتپەلەرىن پايدالانىپ 4 مىڭنان استام كەلىسىمشارت جاساستى. اتالعان بيزنەس قاتىناستار اعىلشىن جالپى قۇقىعى قاعيداتتارى، نورمالارى مەن پرەتسەدەنتتەرى، حالىقارالىق قارجى ورتالىقتارىنىڭ ستاندارتتارى جانە احقو تۋرالى قازاقستان كونستيتۋتسيالىق زاڭىنا نەگىزدەلگەن احقو زاڭناماسى ارقىلى رەتتەلەدى. زاڭنىڭ ساقتالۋىنا «استانا» حالىقارالىق قارجى ورتالىعىنىڭ سوتى مەن تورەلىك ورتالىعى كەپىلدىك بەرەدى.

احقو سوتىنىڭ ەڭ العاشقى توراعاسى بولىپ 2018 جىلدىڭ 1 قاڭتارىندا لورد ۆۋلف تاعايىندالدى. احقو سوتىنىڭ قۇرىلۋى مەن قالىپتاسۋىنا ايتارلىقتاي ۇلەس قوسقان سۋديا زەينەتكە شىققاننان كەيىن ونىڭ ورنىنا 2020 جىلدىڭ 1 اقپانىندا لورد مانس تاعايىندالدى. لورد مانس ۇلىبريتانيا جوعارعى سوتى پرەزيدەنتىنىڭ ورىنباسارى بولىپ قىزمەت ەتكەن. سونىمەن قاتار 2018 جىلدىڭ 1 قاڭتارىنان باستاپ حالىقارالىق تورەلىك ورتالىعىنىڭ توراعاسى رەتىندە باربارا دومانن تاعايىندالدى. سوت توراعاسىنان بولەك قۇرىلىمدا 8 سۋديا قىزمەت ەتەدى. حتو-دا 39 اربيتردان تۇراتىن تورەشىلەر القاسى بار. 

احقو سوتى مەن حالىقارالىق تورەلىك ورتالىعىنىڭ e-Justice پلاتفورماسى جانە زاماناۋي بەينەبايلانىس تەحنولوگيالار سوت وتىرىسىن ونلاين وتكىزۋگە جانە بيزنەس قاۋىمداستىققا الەمنىڭ كەز كەلگەن جەرىنەن سوت جانە حتو قىزمەتتەرىن پايدالانۋعا مۇمكىندىك بەرەدى. قازاقستانداعى كارانتيندىك شەكتەۋلەر كەزىندە وسىناۋ ونلاين تەحنولوگيالار ءوز دەڭگەيىندە قىزمەت ەتىپ، سوت ىستەرىن، تورەلىك پەن مەدياتسيا قىزمەتىن اتقارۋعا مۇمكىندىك بەردى. ناتيجەسىندە قارالعان ىستەر سانى 425-كە جەتتى. ونىڭ 411-ءى حالىقارالىق تورەلىك ورتالىقتا، قالعان 14-ءى احقو سوتىندا قارالدى. احقو سوتى مەن حتو ەندى عانا جۇمىس ىستەي باستاعانىن ەسكەرسەك، بۇل ايتارلىقتاي جوعارى كورسەتكىش. eJustice پلاتفورماسىنىڭ سونىمەن قاتار سوت مەنەدجمەنتى مەن ەلەكتروندى قۇجات اينالىمىن دا جۇرگىزۋگە جاعداي جاسايتىنىن ايتا كەتۋ قاجەت.

احقو سوتى مەن  حالىقارالىق تورەلىك ورتالىعى 2022 جىلدىڭ 1 قاڭتارىنا دەيىن وتىنىشتەردى قابىلداۋ، اكىمشىلىك جانە تىڭداۋ وتكىزۋ ءۇشىن تولەمدەردى المايتىنىن ەستەرىڭىزگە سالامىز. اتالعان ۋاقىتقا دەيىن احقو سوتى مەن حالىقارالىق تورەلىك ورتالىعىنىڭ ەسكەرتپەلەرى بار كەلىسىمشارتتارعا سوت پەن تورەلىك ورتالىق قانداي دا ءبىر داۋدى شەشۋگە تەگىن قىزمەت ەتەدى. احقو سوتى بارلىق تاراپتارعا ءوز قۇقىعىن قورعاۋعا مۇمكىندىك بەرەدى.  سوتتا 27 يۋريسديكتسيادان 271 زاڭگەر قىزمەت ەتەدى. ونىڭ اراسىندا وتاندىق زاڭگەرلەر دە بار.

ايتا كەتەيىك، احقو سوتى تاۋەلسىز ورگان جانە انگليا مەن ۋەلستىڭ جالپى قۇقىق قاعيداتتارىنا جانە جەتەكشى حالىقارالىق قارجى ورتالىقتارىنىڭ ستاندارتتارىنا نەگىزدەلگەن. احقو سوتى ءبىرىنشى ساتىداعى سوتتان جانە اپەللياتسيالىق سوتتان تۇرادى. كۇردەلىلىگى مەن سوماسى بويىنشا بولماشى داۋلاردى جەدەل شەشۋدى قامتاماسىز ەتۋ ءۇشىن ءبىرىنشى ساتىداعى سوتقا ۇساق داۋ-دامايلار سوتى كىرەدى. احقو سوتى اكىمشىلىك جانە قىلمىستىق سوت ءىسىن جۇرگىزۋدى جۇزەگە اسىرمايدى جانە قاتىسۋشىلار، احقو ورگاندارى اراسىنداعى داۋلاردى جانە احقو قۇقىعىنا سايكەس احقو-دا جۇزەگە اسىرىلعان وپەراتسيالار بويىنشا داۋلاردى شەشۋدى قامتاماسىز ەتۋ ءۇشىن ايرىقشا يۋريسديكتسياسىنا يە. سونىمەن قاتار، احقو سوتى تاراپتاردىڭ كەلىسىمى بويىنشا احقو سوتىنا بەرىلگەن داۋلاردى قاراي الادى.

احقو حالىقارالىق تورەلىك ورتالىعى تاۋەلسىز ورگان بولىپ تابىلادى جانە جەتەكشى حالىقارالىق قارجى ورتالىقتارىنىڭ ستاندارتتارىنا سايكەس قۇرىلعان. حتو تورەشىلەرىنىڭ قۇرامىنا جەر قويناۋىن پايدالانۋ، ساۋدا، مۇناي-گاز سەكتورى، قۇرىلىس، ەنەرگەتيكا، يسلام قارجىسى، بانكينگ، زياتكەرلىك قۇقىق سالالارىندا جانە كوممەرتسيالىق جانە ازاماتتىق قۇقىقتىڭ باسقا دا سالالارىندا تورەلىك بويىنشا كوپ جىلدىق تاجىريبەسى بار جەتەكشى حالىقارالىق تورەشىلەر كىرەدى.

 

 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار