قاۋلىعا سايكەس, قوعامدىق تاماقتاندىرۋ وبەكتىلەرىنىڭ قىزمەتىنە ۇستەلدەر اراسىنداعى 2 مەتر قاشىقتىقتى ساقتاۋ, كەلۋشىلەر اراسىنداعى 1 مەتردەن كەم ەمەس قاشىقتىقتى ساقتاۋ شارتتارىمەن رۇقسات بەرىلىپ وتىر.
الايدا, كوپشىلىك جينالاتىن سالتاناتتى, وتباسىلىق, ەستەلىك, ۇجىمدىق جانە باسقا دا ءىس-شارالاردى وتكىزۋگە تىيىم سالىنعان.
ء«دامحانا, مەيرامحانا ءتيپى بويىنشا, دۇكەندەردە ورنالاسقان بارلاردىڭ (جايلارداعى) تولتىرىلۋى 50 پايىزعا دەيىن بولعاندا, سونداي-اق, وتىراتىن ورىن سانى 30-دان اسپاعاندا جۇمىس رەجيمى ساعات 09:00- 20:00-گە دەيىن رۇقسات ەتىلەدى. ودان كەيىن ساعات تاڭعى 09:00-گە دەيىن ءونىم تەك وزىمەن الىپ كەتۋ شارتىمەن ساتىلادى. جازعى الاڭداردىڭ تولتىرىلۋى دا 50 پايىزعا دەيىن, بىراق 50 ورىننان اسىرماي, ساعات 09:00- 20:00-گە دەيىنگى جۇمىس رەجيمى ساقتالۋى كەرەك. ال اسحانا ءتيپى بويىنشا نىسانداردىڭ جۇمىس رەجيمى ساعات 09:00- 24:00 ارالىعىندا», دەلىنگەن قاۋلىدا.
قاۋلى قول قويىلعان كۇننەن باستاپ كۇشىنە ەنەدى.
