مۇنداي وزگەرىس پرەزيدەنت سي تسزينپين توراعا بولعان ساياسي بيۋرو وتىرىسىندا ماقۇلداندى.
قىتاي بالا تۋ ساياساتىن ودان ءارى وڭتايلاندىرۋ ءۇشىن وتباسىدا ءۇشىنشى بالاعا رۇقسات بەردى.
بيلىك جاڭا شەشىم حالىقتىڭ تەز قارتايۋ ماسەلەسىن ەسكەرە وتىرىپ, ەلدىڭ دەموگرافياسىن جاقسارتۋعا ىقپال ەتەدى دەپ سانايدى.
«ساياساتتىڭ وزگەرۋى قولداۋ شارالارىمەن بىرگە جۇرەدى. بۇل حالىق قۇرىلىمىن جاقسارتۋعا, قارتايعان حالىققا بەلسەندى قارسى تۇرۋ ستراتەگياسىن ورىنداۋعا جانە ادام رەسۋرستارىنىڭ ارتىقشىلىعى مەن قاۋىپسىزدىگىن ساقتاۋعا ىقپال ەتەدى», دەيدى سي تسزينپين ساياسي بيۋرو وتىرىسىندا.
ايتا كەتەيىك, قىتايدا 1979 جىلدان 2015 جىلعا دەيىن ء«بىر وتباسى - ءبىر بالا» ساياساتى قولدانىلعان. كەيىن 2016 جىلى ەل بيلىگى بۇل شەكتەۋلەردى جەڭىلدەتۋدى ۇيعارىپ, ەرلى-زايىپتىلارعا ەكى بالالى بولۋعا رۇقسات بەرگەن ەدى.
