بۇگىن وفيتسەرگە ماراپاتتى تاپسىرعان ۇلتتىق ۇلان باس قولباسشىسىنىڭ ورىنباسارى گەنەرال-مايور الىبەك سەراليەۆ اسكەري وقۋ ورنىنىڭ كۋرسانتتارى وسىنداي ەرلىك ۇلگىسىندە تاربيەلەنۋ كەرەكتىگىن العا تارتتى.
ەسكە سالا كەتەيىك, 24 مامىر كۇنى ساعات 13:00-دە ۇلتتىق ۇلان اسكەري ينستيتۋتىنىڭ اسكەري قىزمەتشىسى اعا لەيتەنانت دوسكەن ەسجانوۆ قىزمەتكە اتتانار الدىندا جامبىل كوشەسىندەگى ءوز ءۇيىنىڭ كورشى كىرەبەرىسىنەن قويۋ ءتۇتىندى بايقايدى. جاعدايدى باعامداعان وفيتسەر وقيعا ورنىنا ءورت سوندىرۋشىلەردى شاقىرادى.
ءورت تۇرعىن ءۇيدىڭ جەتىنشى قاباتىن جالماپ, كىرەبەرىستىڭ دە تەرەزەسى ورتەنىپ جاتقان. ءورت سوندىرۋشىلەر كەلگەنشە وفيتسەر تەرەزەدەگى ءورتتى ءسوندىرىپ, تۇرعىنداردى سىرتقا شىعارا باستايدى. ۇلاندىق اسكەري قىزمەتشى ءورت سوندىرۋشىلەرمەن بىرگە سەگىز ادامدى, ونىڭ ىشىندە ەكى بالانى قاۋىپسىز جەرگە شىعارعان.
