ءىس بويىنشا سوت تالقىلاۋى الماتى وبلىسىنىڭ ىلە اۋداندىق سوتىندا ءوتىپ جاتىر. وقيعانىڭ سەبەپتەرى مەن ءمان-جايىن انىقتاپ, تورەلىگىن شىعاراتىن سۋديا ەركەن سەيىتوۆ.
ايىپتالۋشىلار تاراپىندا ابزال قالەنوۆ, ەرىك باقتىباەۆ, نيكيتا وحوتسكي, ازامات راسۋلوۆ, جارقىن جاپەلوۆ جانە ولجاس بايتۇرعانوۆ بار. ءبارى وقيعانىڭ ءمان-جايىن تەرگەۋ ساتىنەن باستاپ قاماۋعا الىنعان. ولارعا قر قك-نىڭ 293-بابى 3-بولىگىنىڭ 2-تارماعىندا كوزدەلگەن قىلمىستى جاسادى دەگەن ايىپ تاعىلىپ وتىر.
«بۇل بۇزاقىلىق, ياعني قوعامدىق ءتارتىپتى بۇزۋ, ازاماتتارعا زورلىق-زومبىلىق كورسەتۋ, سونداي-اق بوتەننىڭ مۇلكىن جويۋ نەمەسە ءبۇلدىرۋ, ادەپسىز ارەكەتتەر جاساۋ قارۋ-جاراق, پىشاق, جەزدەن جانە باسقا دەنساۋلىققا زيان كەلتىرۋگە بەيىمدەلگەن زاتتاردى قولدانۋ ارقىلى ادامدار توبى جاساعان ارەكەت», دەلىنگەن باپ سيپاتتاماسىندا.
سوتتالۋشىلارعا ءۇش جىلدان جەتى جىلعا دەيىن باس بوستاندىعىنان شەكتەۋ نەمەسە ايىرۋ تۇرىندەگى جازا كوزدەلگەن.
ەسكە سالايىق, 2020 جىلعى 31 قازاندا الماتى ماڭىنداعى بايسەركە اۋىلىندا ورنالاسقان دەمالىس ورنىنىڭ يەسى مەن قىزمەتكەرلەرى وق جاراقاتىن العانى حابارلانعان بولاتىن. پوليتسياداعىلاردىڭ ايتۋىنشا, ماسكا تاققان 15-20 ادام دەمالىس ورنىنا كەلىپ, سول جەردە مەكەمە يەسىمەن - 1980 جىلى تۋعان ەر اداممەن جانجالداسىپ قالعان. سودان سوڭ ولار وق اتقان. ارتىنشا وقيعا ورنىنان سۇر ءتۇستى Mercedes w140 جانە اق ءتۇستى Mercedes كولىگىمەن قاشىپ كەتكەن. نەگىزگى كۇدىكتىلەر الماتى قالاسى, الماتى, قوستاناي وبلىستارىندا ۇستالىپ, قاماۋعا الىنعان.
