وقيعانىڭ نەگىزگى سەبەبىنە توقتالايىق, 23 مامىردا افينادان ۆيلنيۋسكە باعىت العان FR4978 رەيسى مينسك اۋەجايىنا قونۋعا ءماجبۇر بولدى. يرلانديالىق اۋە كومپانياسى بەلارۋس ۇكىمەتى ۇشاقتى مينسكىگە قاراي باعىتتادى دەيدى. لاينەرمەن بىرگە بەلارۋس كوككە ميگ-29 جويعىش ۇشاعىن دا كوتەرگەن. دەگەنمەن مينسك بۇل مالىمدەمەنى جوققا شىعارىپ, ۇشاقتىڭ ءوزى توتەنشە جاعداي تۋرالى بەلگى بەردى دەپ حابارلادى. ارنايى تەكسەرىستەن كەيىن ۇشاقتا كىنارات تابىلماعانى ءمالىم بولدى. ءبىر قىزىعى, 7 ساعات كىدىرىستەن كەيىن دىتتەگەن باعىتىنا اتتاندى. الايدا بورتتا بولعان بەلارۋستىك جۋرناليست رومان پروتاسەۆيچ پەن ونىڭ سەرىگى سوفيا ساپەگيگە رەيستى جالعاستىرۋعا رۇقسات بەرىلمەدى.
بۇل جايت ەۋروپانى بەيجاي قالدىرمادى. گەرمانيا كانتسلەرى بەلارۋس مالىمدەمەسىنە سەنبەيتىنىن اشىق ايتتى. ودان كەيىن وداق مۇشەلەرى كەلىسىپ, سانكتسيا سالاتىنىن حابارلادى. ەۋروپا وداعى, سونىمەن قاتار, بەلارۋس اۋە كەڭىستىگىن اينالىپ وتۋگە شاقىردى. ەۋروپا اۋەجايلارى بەلارۋس ۇشاقتارىنا قىزمەت كورسەتپەيتىن بولدى.
بۇل شەشىم تۋرالى جازىلعان قۇجاتتا كولىكتىك قاتىناستان بولەك, رومان پروتاسەۆيچ پەن سوفيا ساپەگيگە بوستاندىق تالاپ ەتىپ, ولاردىڭ ەل اراسىندا جۇرۋلەرىنە تىيىم سالماۋىن تالاپ ەتتى. وعان قوسا, حالىقارالىق ازاماتتىق اۆياتسيا ۇيىمىنا بۇل جايتتى ەگجەي-تەگجەي زەرتتەۋدى تاپسىردى.
انگەلا مەركەل بولسا, ء«بارىمىز ۇشاقتا بولعان بەلارۋستىك وپپوزيتسيونەر پروتاسەۆيچتىڭ ۇستالعانىن كوردىك. بۇدان كەيىن قانداي دا ءبىر مالىمدەمەنىڭ شىندىققا ۇلاسپايتىنى انىق. الدا جوسپارلانعان بريۋسسەلدەگى كەزەكتەن تىس سامميتتە ەۋروپا وداعى ۇشاقتى ءماجبۇرلى تۇردە قوندىرۋعا قاتىستى جاۋاپتى تالقىلايدى. بەلارۋسكە قارسى قانداي شارا قولداناتىنىمىزدى دا سول كەزدەسۋدە شەشەمىز. بۇل – ەۋروپالىق ورتاق شەشىم بولادى», دەدى.
ال 26 مامىردان باستاپ ۋكراينا, پولشا, كانادا, شۆەتسيا مەن چەحيا بەلارۋسكە ۇشاتىن رەيستەردى توقتاتتى. مينسك – ۋكراينا ءۇشىن رەسەيمەن بايلانىستىراتىن ترانزيت ايماعى ەدى. ال پاندەميا كەزىندە رەسەيلىكتەر مينسك ارقىلى تۇركيا مەن گرۋزياعا ۇشىپ ءجۇردى. لوندون, پاريج, ۆيلنيۋسپەن قاتار, تاعى دا ون شاقتى ەۋروپا قالاسى «بەلاۆيا» ۇشاعىن قابىلدامايتىنىن حابارلادى.
ۇشاقتار قاۋىپسىزدىگى ەۋروپالىق اگەنتتىگى قاۋىپسىزدىك ماقساتىندا اۋە كومپانيالارىنا بەلارۋس اۋە كەڭىستىگىن اينالىپ وتۋگە كەڭەس بەردى. Air Baltic, Air France, Finn Air, Wizz Air سىندى ەۋروپالىق كومپانيالاردان كەيىن 25 مامىردا All Nippon Airways ي Singapore Airlines سىندى ازيالىق تاسىمالداۋشىلار دا قاتىناستى توقتاتاتىنىن مالىمدەدى.
قازاقستاندىق اۋە تاسىمالداۋشىسى Air Astana 31 مامىردان باستاپ مينسكىگە قاتىنايتىنىن حابارلاعان-دى. الايدا بىرنەشە كۇن بۇرىن كوممەرتسيالىق سەبەپتەرگە بايلانىستى بۇل رەيس ىسكە قوسىلمايتىنىن ءمالىم ەتتى. ال رەسەي اۋە قاتىناسى توقتامايتىنىن ءبىلدىردى. روساۆياتسيا بەلارۋسپەن بايلانىس شتاتتىق رەجىمدە جالعاسىپ جاتقانىن جاريالادى. «ينتەرفاكس» اگەنتتىگى: «رەسەي بەلارۋس ارقىلى ازاماتتىق ۇشاق ءترانزيتىن توقتاتپايدى», دەپ جازدى.
بەلارۋس اۋە كەڭىستىگىنەن تاۋلىگىنە 339 رەيس ۇشىپ وتەدى ەكەن. Reuters اگەنتتىگىنە ەۋروپالىق باقىلاۋ اگەنتتىگى ۇلىبريتانيادان كۇن سايىن 100 رەيس بەلارۋس ارقىلى قاتىنايتىنىن, ەندى ولار 75 شاقىرىم ارتىق ءجۇرۋى تيىستىگىن ايتتى. سونىمەن قاتار ۆەدومستۆو «جاڭا جولمەن ۇشۋ اۋە كومپانيالارى ءۇشىن قوسىمشا ۋاقىت پەن جانارمايدى قاجەت ەتەدى», دەدى.
وسى ۋاقىتقا دەيىن بەلارۋس ۇكىمەتى اۋە كەڭىستىگىن قولدانعان اۋە كومپانيالارىنان Airbus SE A320 ۇشاقتارى ءۇشىن 245 ەۋرو, ال ۇلكەن ۇشاقتار ءۇشىن 770 ەۋرو الىپ وتىرعان. بۇل جاڭالىق ۇكىمەت ءۇشىن دە, «بەلاۆيا» اۋە كومپانياسى ءۇشىن دە ءتيىمسىز ەكەنى انىق.
