102 كيلو سالماقتا كۇش سىناسقان راحات بەكبولاتقا ايرىقشا سەنىم ارتتىق. بىلتىر ول الەم كۋبوگىندا دارا شىعىپ قانا قويماي, الەمدىك رەكوردتى دا جاڭارتقانى ەسىمىزدە. 2019 جىلى ول جاسوسپىرىمدەردىڭ الەم جانە ازيا بىرىنشىلىكتەرىندە التىن تۇعىرعا كوتەرىلدى. سول جارىستاردىڭ بىرىندە بۇعان دەيىن يليا يلين كورسەتكەن ناتيجەدەن اسىپ تۇسكەن قازاقتىڭ نار تۇلعالى ۇلى كوپشىلىكتىڭ قوشەمەتىنە بولەنگەنى ەسىمىزدە. بيىل ەرەسەكتەردىڭ ازيا چەمپيوناتىندا دا راحات الدىنا جان سالمادى.
بۇل جولى دا قازاقتىڭ قايسار ۇلى وزىنە ارتىلعان سەنىمدى تولىعىمەن اقتادى. قوسسايىستىڭ قورىتىندىسى بويىنشا 377 (175+202) كيلونى ەڭسەرگەن بەكبولات التىن تۇعىرعا كوتەرىلدى. قانداسىمىز ەكىنشى ورىندى يەلەنگەن ۆاسيل مارينوۆتان جەتى كيلو ارتىق سالماقتى كوتەردى. ءۇشىنشى ورىنعا تابان تىرەگەن گرۋزيالىق زازا لومتادزەنىڭ كورسەتكىشى – 351 كيلو.
