ۆەدومستۆو اتاپ وتكەندەي, عيمارات – 150 شارشى مەتر اۋداندا ورنالاسقان بولەك ءبىر قاباتتى قۇرىلىس.
ء«ورت بولعان جەردەگى قيىن جاعداي قوسىمشا كۇشتەردى تالاپ ەتتى. 12:14-تە وقيعا ورنىنا ءورت سوندىرۋشىلەر جەتتى. قوستاناي وبلىسى تجد ءورت ءسوندىرۋ قىزمەتىنىڭ كۇشتەرى مەن قۇرالدارى, اتاپ ايتقاندا جەكە قۇرامنىڭ 32 قىزمەتكەرى مەن 8 تەحنيكاسى جۇمىلدىرىلدى. تۇتانۋ كەزىندە شاتىر وتقا ورانعان, قويما مەن ونداعى جيھازدار ورتەنگەن. قاتتى جەل وتتىڭ كورشى عيماراتتارعا كوشۋ قاۋپىن تۋدىردى», دەپ ءتۇسىندىردى دەپارتامەنتتەن.
ءورت سوندىرۋشىلەردىڭ سوزىنشە, جارىلىستىڭ الدىن الۋ ءۇشىن ولار عيماراتتان ەكى وتتەگى باللونىن شىعارعان.
«ولار شىققان ساتتە عيماراتتىڭ شاتىرى وپىرىلىپ تۇسكەن. قازىرگى كەزدە ءورتتىڭ سەبەبى انىقتالۋدا. ءساتىن سالعاندا, قۇرباندار مەن زارداپ شەككەندەر بولمادى. قىزىل جالىن 14:36-دا اۋىزدىقتالدى», دەپ تۇيىندەدى تجد.
