باتىر جۇكەمباەۆتىڭ بۇعان دەيىنگى كەزدەسۋلەرىنىڭ بارلىعىن كانادادا وتكىزگەنى بەلگىلى. سول بەس جىلدان اسا ۋاقىت ارالىعىندا ول ءبىراز بەدەل جيىپ تا ۇلگەردى. قارسى كەلگەندەردى قوعاداي جاپىرىپ, بارشا جانكۇيەرلەردىڭ قوشەمەتىنە بولەندى. انىقتاپ ايتساق, 2016 جىلدان بەرى 18 رەت شارشى الاڭعا كوتەرىلگەن قانداسىمىز بارلىق قارسىلاستارىن تەگىستەي ۇتىپ,14 كەزدەسۋدى مەرزىمىنەن بۇرىن اياقتادى.
اقش-تاعى العاشقى جەكپە-جەگىن باتىر سابريەل ماتياسقا قارسى وتكىزدى. 29 جاستاعى پۋەرتو-ريكونىڭ وكىلى 17 كەزدەسۋىنىڭ تەك بىرەۋىندە عانا ۇتىلعان ەدى. قالعان 16 جەكپە-جەكتە قارسىلاستارىن ەسىنەن تاندىردى. مىنە, قازاق بوكسشىسىنا وسىنداي مىقتىمەن كۇش سىناسۋىنا تۋرا كەلدى.
لوس-اندجەلەستەگى باسەكەدە ماتياستىڭ ۇستەمدىگى انىق بايقالدى. ءتورتىنشى راۋندا ول جۇكەمباەۆتى ەسەڭگىرەتىپ تاستادى. ودان كەيىن دە پۋەرتو-ريكونىڭ بوكسشىسى قارقىنىن ەش باسەڭدەتپەدى. ال سەگىزىنشى راۋندتان كەيىن باتىر جەكپە-جەكتى جالعاستىرۋدان باس تارتتى.
