سالتاناتتى شاراعا اقتاۋ حالىقارالىق اۋەجايى باس ديرەكتورى كيلەدجي سەلچۋك پەن وزبەكستاننىڭ قازاقستانداعى توتەنشە جانە وكىلەتتى ەلشىسى نيازحودجاەۆ سايديكرام قاتىستى.
وسىلايشا, «Uzbekistan Airways» اق «ۇرگەنىش – اقتاۋ – ۇرگەنىش» باعىتى بويىنشا تۇراقتى حالىقارالىق رەيستى 29 مامىردان باستادى. اۋە رەيسى اپتاسىنا 2 رەت دەمالىس كۇندەرى قاتىنايدى.
«الەمنىڭ تۇكپىر-تۇكپىرىنەن كەلگەن جولاۋشىلار, تۇركى تاريحىنا قىزىعۋشىلىق تانىتقاندار ىستانبۇل ارقىلى اقتاۋعا, اقتاۋدان ۇرگەنىشكە ۇشىپ كەتە الادى. حيۋانىڭ سۇلۋلىعىن كورىپ, ءارى قاراي بۇحارا, سامارقاند, تاشكەنت, تۇركىستان جانە ءۇرىمجى قالالارىنا بارۋعا مۇمكىندىك الادى. بۇل تۋريستىك باعىت ۇلكەن سۇرانىسقا يە بولادى دەگەن سەنىمدەمىز. وسىلايشا, اقتاۋ قالاسى ءتۋريزمنىڭ حابىنا اينالادى», دەدى اقتاۋ حالىقارالىق اۋەجايى ديرەكتورىنىڭ ورىنباسارى مەرۋەرت جولدىباەۆا.
سونىمەن قاتار, جولاۋشىلارعا ىڭعايلى بولۋ ءۇشىن وڭتۇستىك-شىعىس ازياعا, ەۋروپاعا جانە اقش-قا ءارى قاراي رەيس جاساۋ مۇمكىندىگىمەن «اقتاۋ – ۇرگەنىش – تاشكەنت» باعىتىنداعى رەيستەر بار.
«اقتاۋ حالىقارالىق اۋەجايى كاسپي ماڭىنداعى قالالار گرۋزيا جانە ارمەنيامەن تاماشا بايلانىستا. وسىلايشا, ۇرگەنىش جولاۋشىلارى اقتاۋ حالىقارالىق اۋەجايىن ترانزيتتىك ترانسفەر رەتىندە ىڭعايلى تۇردە پايدالانۋعا ۇلكەن مۇمكىندىك الادى. ءوز كەزەگىندە ماڭعىستاۋ تۇرعىندارى تاڭعاجايىپ حيۋا قالاسىنا ساياحات جاسايدى. ءبىز ەكى ەلدىڭ ساياحاتشىلارى اقتاۋ مەن ۇرگەنىشتەگى ۇسىنىلعان قىزمەتتەردى تولىقتاي قولدانا الادى دەپ جوسپارلاپ وتىرمىز», دەدى وزبەكستان رەسپۋبليكاسىنىڭ اقتاۋ قالاسىنداعى باس كونسۋلى نوديرجان تۋرگۋنوۆ.
قالالار اراسىنداعى بارىس-كەلىستى جانداندىرۋ « ۇلى جىبەك جولى» جوباسى اياسىندا جۇزەگە اسادى.
