اتاپ ايتقاندا, ەلشى سولتۇستىك ماكەدونيا پرەمەر-ءمينيسترى زوران زاەۆپەن, اسسامبلەيا (پارلامەنتىنىڭ) سپيكەرى تالات دجافەريمەن, ۆيتسە-پرەمەر-مينيستر فاتمير بەتيچيمەن, ەكونوميكا ءمينيسترى كرەشنيك بەكتەشيمەن, ەقىۇ پا ماكەدونيا دەلەگاتسياسىنىڭ جەتەكشىسى يگور يانۋشەۆپەن جانە قر پارلامەنتى ماجىلىسىمەن ىنتىماقتاستىق جونىندەگى پارلامەنتتىك دوستىق توبىنىڭ جەتەكشىسى ەنەس يبراگيممەن جۇزدەستى.
ۇكىمەت باسشىسىمەن كەزدەسۋدە ەكىجاقتى ىنتىماقتاستىقتىڭ قازىرگى جاعدايى مەن دامۋ پەرسپەكتيۆالارى, سونداي-اق حالىقارالىق پروبلەمالار, ونىڭ ىشىندە بالقان وڭىرىندەگى احۋال تالقىلاندى. قازاقستان ەلشىسى سۇحباتتاسۋشىنى قازاقستانداعى الەۋمەتتىك-ەكونوميكالىق جاعدايمەن, ەلدى ودان ءارى رەفورمالاۋ جانە قازاقستاندىق قوعامدى دامىتۋ جونىندەگى شارالار تۋرالى حاباردار ەتتى.
ءوز كەزەگىندە پرەمەر-مينيستر سولتۇستىك ماكەدونيا قازاقستانمەن ءوزارا ءتيىمدى نەگىزدە ساياسي ديالوگتى ودان ءارى بەلسەندى نىعايتۋعا جانە ساۋدا-ەكونوميكالىق قاتىناستاردى دامىتۋعا نيەتتى ەكەنىنە سەندىردى.
قازاقستاندىق ديپلوماتتىڭ سولتۇستىك ماكەدونيا پارلامەنتىندە كەزدەسۋىنىڭ ءمانى پارلامەنتارالىق ىنتىماقتاستىقتى دامىتۋ بولدى. تاراپتار زاڭ ۇستەمدىگىن نىعايتۋ ماسەلەلەرى بويىنشا تاجىريبە الماسۋ ماقساتىندا زاڭ ورگاندارى, ونىڭ ىشىندە ەكى ەل دەپۋتاتتارىنىڭ دوستىق توبى اراسىنداعى بايلانىستاردى قارقىنداتۋعا مۇددەلىلىكتى اتاپ ءوتتى.
ەكونوميكالىق ماسەلەلەر جونىندەگى ۆيتسە-پرەمەر ف.بەتيچيمەن ەلدەرىمىز اراسىنداعى ساۋدا-ەكونوميكالىق سالاداعى ءوزارا ءىس-قيمىل جانە قارىم-قاتىناستاردى تەرەڭدەتۋ ماسەلەلەرى تالقىلاندى. اتاپ ايتقاندا, اۋىل شارۋاشىلىعىنداعى, ەنەرگەتيكاداعى ءوزارا ءىس-قيمىلدى دامىتۋعا, سونداي-اق وڭىرلىك جانە كولىكتىك ىنتىماقتاستىققا ەرەكشە نازار اۋدارىلدى.
ماكەدونيالىق تاراپ قازاقستاندى ورتالىق ازياداعى نەگىزگى ارىپتەس رەتىندە قاراستىرا وتىرىپ, ەكىجاقتى قارىم-قاتىناستاردى ساپالى جاڭا دەڭگەيگە شىعارۋعا مۇددەلىلىك تانىتتى.
