م.بايمۇحان قازاقستان دۇنيەجۇزىلىك كەدەن ۇيىمىمەن ىنتىماقتاستىققا ۇلكەن نازار بولەتىنىن اتاپ ءوتتى. باس حاتشى قازاقستاننىڭ كەدەندىك اكىمشىلەندىرۋدە ىنتىماقتاستىق كەزىندە قول جەتكىزگەن ەلەۋلى پروگرەسىن اتاپ ءوتتى. كەلەسى جىلى قازاقستان مەن دكۇ اراسىنداعى ىنتىماقتاستىقتىڭ 30 جىلدىعىمەن ەرەكشەلەنەدى.
پرەزيدەنتتىڭ باستاماسىمەن «تىڭداۋشى مەملەكەت» تۇجىرىمداماسى اياسىندا قازاقستاندا جۇرگىزىلگەن الەۋمەتتىك-ەكونوميكالىق جانە قوعامدىق-ساياسي رەفورمالاردى, سونداي-اق پاندەميا كەزىندە ۇلتتىق ەكونوميكانى قولداۋ جانە ونى داعدارىستان كەيىنگى كەزەڭدە قالپىنا كەلتىرۋ جونىندەگى شارالاردى تالقىلاۋ سۇحباتتىڭ جەكە تاقىرىبى بولدى. ك. ميكۋريا قر-داعى ەكونوميكالىق جانە ساياسي رەفورمالارعا وڭ باعا بەردى.
سۇحباتتاسۋشىلار پاندەميانىڭ الەمدىك ەكونوميكا مەن قوعامعا جالپى اسەرىن ازايتۋعا كومەكتەسۋ ءۇشىن كەدەن قىزمەتتەرىنىڭ توتەنشە كومەك تاۋارلارىنا عانا ەمەس, سونىمەن بىرگە تاۋارلاردىڭ بارلىق ساناتتارىنا دا جاردەمدەسۋدىڭ ماڭىزدىلىعىن اتاپ ءوتتى. م. بايمۇحان دكۇ-عا سىن-قاتەرگە قارسى كۇرەستە جانە جەتكىزىلىمدەردىڭ ساۋدا تىزبەگىنىڭ ۇزدىكسىزدىگىن قامتاماسىز ەتۋدە قازاقستانعا جان-جاقتى قولداۋ كورسەتكەنى ءۇشىن ريزاشىلىعىن ءبىلدىردى.
قازاقستاندىق ەلشى ك.ميكۋرياعا «QazVac» قازاقستاندىق ۆاكتسيناسىنىڭ ىلگەرىلەۋى تۋرالى ايتىپ بەردى. وتاندىق ۆاكتسينانى تىركەۋگە بايلانىستى بۇل باعىتتا دكۇ-مەن ىنتىماقتاستىق ماڭىزدى بولىپ كورىنەدى.
كەزدەسۋ بارىسىندا دكۇ باسشىسىنا جاقىن ارادا قازاقستانعا ساپارمەن كەلۋگە شاقىرۋ بەرىلدى. كەزدەسۋ قورىتىندىسى بويىنشا كەدەن سالاسىنداعى جان-جاقتى ىنتىماقتاستىقتى دامىتۋ تۋرالى ۋاعدالاستىققا قول جەتكىزىلدى.
ايتا كەتەيىك, دۇنيەجۇزىلىك كەدەن ۇيىمى 1952 جىلى ءوزىنىڭ العاشقى 17 ەۋروپالىق مۇشە ەلدەرىنىڭ كەدەندىك ىنتىماقتاستىق كەڭەسى رەتىندە قۇرىلدى. بۇگىنگى تاڭدا دكۇ الەمدىك ساۋدانىڭ 98%-ىن وڭدەيتىن الەم ەلدەرىنىڭ 183 كەدەن اكىمشىلىگىن بىرىكتىرەتىن حالىقارالىق ۇيىم بولىپ تابىلادى. دۇنيەجۇزىلىك كەدەندىك ساراپتاما ورتالىعىن ۇسىنا وتىرىپ, دكۇ كەدەندىك ماسەلەلەردە قۇزىرەتكە يە جانە حالىقارالىق كەدەن قاۋىمداستىعىن بىلدىرەتىن جالعىز حالىقارالىق قۇرىلىم بولىپ تابىلادى. دكۇ-نىڭ ستراتەگيالىق ميسسياسى ونىڭ مۇشەلەرىنە حالىقارالىق ساۋدانى وڭايلاتۋ, مەملەكەتتىك كىرىستەردىڭ جينالۋىن ارتتىرۋ, سونداي-اق قوعام مەن ازاماتتاردىڭ قاۋىپسىزدىگى مەن قورعالۋىن قامتاماسىز ەتۋ ماسەلەلەرىندە باسشىلىق ەتۋ جانە قولداۋ كورسەتۋ بولىپ تابىلادى.
1992 جىلعى ماۋسىمنان باستاپ قازاقستان دكۇ مۇشەسى بولىپ تابىلادى جانە سودان بەرى وسى ۇيىمنىڭ جۇمىسىنا, ونىڭ ىشىندە ونىڭ باسقارۋشى ورگاندارى – قارجى كوميتەتىندە, ساياسي كوميسسيادا جانە كەدەندىك ىنتىماقتاستىق كەڭەسىندە بەلسەندى قاتىسادى.
