سقو اۋىل شارۋاشىلىعى جانە جەر قاتىناستارى باسقارماسىنىڭ مالىمەتىنشە, اۋىل شارۋاشىلىعى جارمەڭكەلەرى – ازىق-ت ۇلىك باعاسىن تۇراقتاندىرۋدىڭ ءبىر جولى. بىرنەشە جىل قاتارىنان وتكىزىلىپ كەلە جاتقان ءىس-شاراعا تۇرعىندار دا, اۋىل شارۋاشىلىعى تاۋارىن وندىرۋشىلەر دە بەلسەنە قاتىسادى.
اۋىل شارۋاشىلىعى جارمەڭكەلەرى ءار سەنبى-جەكسەنبى سايىن پەتروپاۆلداعى «داريا», «التىن ارمان», «قىزىل جار-اقباستاۋ» بازارلارىندا وتەدى. وعان ءار اپتا سايىن كەزەكپەن 6 اۋداننان قاتىسادى. بۇل جەردە اۋىلدىقتار دەلدالسىز ءوز ونىمدەرىن ءتيىمدى باعاعا ساتا الادى. سورەگە جۇمىرتقا, ەت, بال, بالىق, كارتوپ, ءسۇت ونىمدەرى سياقتى 20-دان استام ءونىم شىعارىلادى.
جارمەڭكەگە وبلىستىڭ اۋىل شارۋاشىلىعى ءونىمىن شىعاراتىن جانە وڭدەيتىن ءىرى كاسىپورىندارى دا قاتىسادى. تاۋار نارىقتاعى باعادان 10-20%-عا ارزان.
پەتروپاۆلدا ءساۋىر ايىنان بەرى اۋىل شارۋاشىلىعى جارمەڭكەسى 21 رەت وتكەن. وسى ارالىقتا 46,3 ملن تەڭگەنىڭ ءونىمى ساتىلدى. سونىڭ ىشىندە 17,8 ملن تەڭگەگە 11 توننا ەت, 5,7 ملن تەڭگەگە 18 مىڭ دانا جۇمىرتقا, 10 ملن-نان ارتىق تەڭگەگە 11 توننادان استام ءسۇت ونىمدەرى ساۋدالانعان.
