بيىل ءساۋىر ايىنان مامىر ايىنا دەيىن قازاقستانعا گەرمانيا, نيدەرلاندى جانە فرانتسيا ەلدەرىنەن جەتكىزىلۋى ءتيىس 228 توننا تۇقىمدىق كارتوپتى, 46,4 كەلى فرانتسۋزدىق ءسابىز تۇقىمىن تەكسەرگەندە قر اۋىل شارۋاشىلىعى مينيسترلىگىنىڭ اگروونەركاسىپ كەشەنىندەگى مەملەكەتتىك ينسپەكتسيا كوميتەتىنىڭ ماماندارى كارتوپ تۇقىمىنان (زەبرا ءچيپى) زياندى قوزدىرعىش باكتەرياسىن انىقتادى.
Candidatus Liberibacter Solanacearum باكتەرياسى ISO 17025 حالىقارالىق ستاندارتىنا سايكەس اككرەديتتەلگەن «وسىمدىكتەر كارانتينى رەسپۋبليكالىق ورتالىعى» مم الماتى ايماقتىق كارانتيندىك زەرتحاناسىنىڭ ساراپتاما قورىتىندىسى ارقىلى راستالعان.
زەرتتەۋلەر ادامي فاكتور اسەر ەتە المايتىن جانە جالعان وڭ ناتيجە كورسەتۋ مۇمكىندىگىن بولدىرمايتىن سەرتيفيكاتتالعان تەست-جيىنتىقتار قولدانىلىپ, پتر تالداۋعا ارنالعان جوعارى سەزىمتال دەتەكتسيالاۋ جابدىعىمەن جۇرگىزىلدى.
Candidatus Liberibacter Solanacearum قازاقستان رەسپۋبليكاسىنىڭ اۋماعىنا جوعارى فيتوسانيتارلىق قاۋىپ توندىرەدى. زەبرا ءچيپى كارتوپقا, قىزاناققا, ءسابىز بەن بالدىركوككە جانە باسقا دا داقىلدارعا كەرى اسەر ەتەدى. باكتەريالار رەسپۋبليكا اۋماعىنا تارالاتىن بولسا, ءونىمدى تۇگەلدەي جويىپ جىبەرۋى مۇمكىن جانە ەلدىڭ ازىق-ت ۇلىك قاۋىپسىزدىگىنە نۇقسان كەلتىرەدى.
جۇقپالى باكتەرياسى بار تۇقىم فاكتىلەرى بويىنشا ءتيىستى كارانتيندىك قۇجاتتار رەسىمدەلدى. اكىمشىلىك قۇقىق بۇزۋشىلىق تۋرالى قازاقستان رەسپۋبليكاسىنىڭ كودەكسىنە سايكەس ماتەريالدار سوتتىڭ قاراۋىنا جىبەرىلدى. ونىڭ شەشىمىنىڭ ناتيجەلەرى بويىنشا ءتيىستى شارالار قابىلداناتىن بولادى.
