كەشە ۆس. يۆانوۆ, 49/1 كوپقاباتتى ءۇيىنىڭ تۇرعىندارى جينالىس ۇيىمداستىرىپ, م ۇلىك يەلەنۋشىلەرى بىرلەستىگىن (ميب) اشۋ ماسەلەسىن تالقىلادى.
– پيك جۇمىسى ءماز بولماي تۇر, جىلۋ دۇرىس بولماي, كومەك سۇراپ حابارلاسقاندا دا كەلمەيدى. ميب-قا اۋىسساق جاقسىلىق بولاتىن شىعار دەپ ويلايمىز, – دەيدى ۆس. يۆانوۆ, 49/1 ءۇيىنىڭ تۇرعىنى تالعات شايحيموۆ.
قالالىق تۇرعىن ينسپەكتسياسى ءبولىمى باسشىسىنىڭ ورىنباسارى نۇرلان ءراشيتوۆتىڭ ايتۋىنشا, قازىرگى كەزدە شاھاردا ميب-قا اۋىسقان ۇيلەردىڭ سانى جەتىگە جەتتى. جىل سوڭىنا دەيىن 2264 ءۇي قايتسە دە ميب نەمەسە قاراپايىم سەرىكتەستىك (قس) دەيتىن ەكى فورمانىڭ ءبىرىن تاڭداۋى ءتيىس.
– 2022 جىل بۇكىل قازاقستاننىڭ ۇيلەرى ميب نەمەسە قس اشۋ كەرەك. كۇندەلىكتى نەگىزدە ءتۇسىندىرۋ جۇمىستارىن وتكىزىپ جاتىرمىز. مامىردىڭ سوڭىنا دەيىن تاعى ءتورت ءۇي قوسىلادى. اقىرىنداپ ءىس العا باسا باستادى, – دەدى نۇرلان راشيتوۆ.
تۇرعىن ينسپەكتسياسى ءبولىمى باسشىسىنىڭ ورىنباسارى بارلىق ۇيلەردى قامتۋ ءۇشىن اي سايىن ونداپ, ءتىپتى جۇزدەپ ميب-قا اۋىستىرۋ كەرەكتىگىن ايتتى.
ايتا كەتەيىك, 2021 جىلعا قاراي بارلىق قازاقستاندىق كوپقاباتتى ۇيلەر پيك-تەردەن باس تارتىپ, اربىرەۋى مەنشىك يەلەرى بىرلەستىگىنىڭ (ميب) نەمەسە قاراپايىم سەرىكتەستىك قس قۇرۋى ءتيىس بولاتىن. الايدا ءارتۇرلى سەبەپتەرگە بايلانىستى بۇل پروتسەسس تۇرالاپ, تۇرعىن ءۇي رەفورماسىنىڭ اياقتالۋ مەرزىمى 2022 جىلدىڭ جازىنا دەيىن شەگەرىلدى.
رەفورما ء«بىر ءۇي – ءبىر بىرلەستىك – ءبىر ەسەپ-شوت» قاعيداسىنىڭ جۇزەگە اسىرىلۋىنا جول اشادى.
