اتاپ ايتقاندا, سوڭعى ەكى جىلدا مەملەكەت پەن قۇرىلىس كومپانيالارى جاساعان كەلىسىمشارتتارداعى باعانى وزگەرتكەن ابزال. باسپانا قۇنىنىڭ ءوسىمى مەن ونىڭ سەبەپتەرىن تالداۋعا ارنالعان باسقوسۋدا قازاقستاننىڭ قۇرىلىسشىلار اسسوتسياتسياسىنىڭ باسشىسى وسىنداي ۇسىنىس تاستادى. مۇنداي ۇسىنىس جاساۋعا نارىقتاعى قۇرىلىس ماتەريالدارىنىڭ قىمباتتاۋى سەبەپ بولعان.
ۆيكتور ميكريۋكوۆتىڭ ايتۋىنشا, ماۋسىمنان باستاپ ەلوردالىق كاسىپورىننىڭ ءبىرى تەمىر بەتون ونىمدەرىن 10%, ال بەتون قوسپاسىن 30% وسىرمەك نيەتتە. ونسىز دا كورشىلەس قىتاي مەن وزبەكستانداعى قارقىندى قۇرىلىس ەكسپورتتىق ماتەريالدىڭ قۇنىن وسىرگەن ەدى. سول سەبەپتى بۇرىنعى جوبالىق باعامەن ءۇي سالۋ قۇرىلىسشىلار ءۇشىن ءتيىمسىز بولىپ تۇر. جاعداي وسىلاي جالعاسا بەرسە, كوپتەگەن قۇرىلىس توقتاپ قالۋ قاۋپى بار.
باسەكەلەستىكتى قورعاۋ جانە دامىتۋ اگەنتتىگىنىڭ مالىمەتى بويىنشا بيىل ءتورت ايدىڭ وزىندە باستاپقى باسپانا باعاسى 5,5% قىمباتتاعان. بۇعان قۇرىلىس ماتەريالدارىنىڭ قىمباتتاۋى بىردەن-ءبىر سەبەپ.
