مۇندا ازاماتتار رەسەيلىك «سپۋتنيك-V» پرەپاراتى جانە قىتايلىق «SinofarmHayat-Vak» ۆاكتسيناسىن قابىلداي الادى.
«قالا تۇرعىندارى تىعىز ورنالاسقان اۋدانداردىڭ ءبىرىن ۆاكتسيناتسيالاۋمەن قامتۋ ءۇشىن «ەۋرازيا» ساۋدا ۇيىندە دە ەگۋ پۋنكتىن اشۋدى ءجون كوردىك. اۋدان تۇرعىندارى دا اتالمىش ساۋدا ورنىندا اشۋ تۋرالى بىرنەشە رەت ءوتىنىش بىلدىرگەن. نۇر-سۇلتان قالاسى بويىنشا سانيتارلىق-ەپيدەميولوگيالىق باقىلاۋ دەپارتامەنتىمەن بىرلەسىپ, وسى ماسەلەنىڭ مۇمكىندىگىن قاراستىردىق جانە ازاماتتارعا ىڭعايلى بولۋ ءۇشىن ۆاكتسيناتسيالاۋ پۋنكتتەرىن اشۋ تۋرالى شەشىم قابىلدادىق. ەپيدەميولوگيالىق تالاپتاردى ساقتاي وتىرىپ, وسى جەردە ۆاكتسيناتسيا جۇرگىزىلەتىن بولادى», دەپ اتاپ ءوتتى قالالىق قوعامدىق دەنساۋلىق ساقتاۋ باسقارماسى.
ۆاكتسيناتسيا ورنى «ەۋرازيا-3» ءسۇ-ءنىڭ 4-قاباتىندا ۇيىمداستىرىلعان. ۆاكتسيناتسيالاۋعا تىركەۋ بريگادانىڭ كەستەسىنە جانە ساۋدا ءۇيىنىڭ جۇمىس رەجيمىنە سايكەس ساعات 19.30-عا دەيىن جۇرگىزىلەدى.
ەستەرىڭىزگە سالا كەتەيىك, ەلوردادا بۇگىنگە دەيىن «Mega Silk Way», «Keruen», «حان شاتىر», «ابۋ-دابي پلازا», «ازيا پارك», «سارىارقا» ساۋدا ويىن-ساۋىق ورتالىقتارىندا, «الەم», «استانالىق», «ەۋرازيا» ساۋدا ۇيلەرىندە ۆاكتسيناتسيا پۋنكتتەرى اشىلعان بولاتىن. قالا اكىمى التاي كولگىنوۆتىڭ تاپسىرماسى بويىنشا ولاردىڭ سانى ءۇش ەسە ارتتى.
