تۇركىستان وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى مەن ماقتاارال اپب-نىڭ پوليتسيا قىزمەتكەرلەرى بىرلەسىپ, «دارمەك» جەدەل-پروفيلاكتيكالىق ءىس-شاراسى وتكىزۋدە.
ءىس-شارانىڭ نەگىزگى ماقساتى – ەسىرتكى قۇرالدارىنىڭ, پرەكۋرسورلاردىڭ زاڭسىز اينالىمىنا توسقاۋىل قويۋ, كونتراباندالىق اكەلۋ مەن اكەتۋ, سونداي-اق باقىلاۋداعى زاتتاردى زاڭسىز اينالىمعا شىعارۋ دەرەكتەرىن انىقتاۋ.
وسىنداي شارا بارىسىندا ىسكە كىرىسكەن اۋداندىق پوليتسيا قىزمەتكەرلەرى, اۋلاسىنا ەسىرتكى زاتىنا ۇقساس وسىمدىكتى وسىرگەن جەرگىلىكتى تۇرعىندى ۇستادى. پوليتسەيلەر كۇدىكتىنىڭ اۋلاسىنان 10-نان استام ەسىرتكى زاتىنا ۇقساس وسىمدىكتى تامىرىمەن بىرگە توپىراقتان شىعارىپ, زاتتاي دالەل رەتىندە الدى. وسىلايشا الىنعان زاتتارعا ساراپتاما تاعايىندالىپ, ناتيجەسىندە كوكنار ەكەنى بەلگىلى بولدى.
سونىمەن قاتار كۇدىكتىنىڭ بۇدان الدىن قر قك-ءنىڭ 296-بابى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سوتتى بولعانى انىقتالدى.
اتالعان جايت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, قر قك-ءنىڭ 300-بابى (قۇرامىندا ەسiرتكi زاتتار بار, وسiرۋگە تىيىم سالىنعان وسiمدiكتەردi زاڭسىز ەگىپ-ءوسىرۋ) بويىنشا قىلمىستىق ءىس قوزعالدى. قازىرگى تاڭدا وسى ءىس بويىنشا سوت ساراپتاماسى تاعايىندالىپ, تەرگەپ-تەكسەرۋ امالدارى جۇرگىزىلۋدە.
