ء«بىز ۇلكەن بەلسەندىلىكتى كوردىك. نەگىزىندە ءبىزدىڭ ۆاكتسينا – مۇسىلمان الەمىندەگى تولىعىمەن جاسالعان جانە شىعارىلعان العاشقى ۆاكتسينا. كوپتەگەن مۇسىلمان مەملەكەتى بىزگە جۇگىنەدى. جاقىندا ءباا-دەگى ارىپتەسىممەن سويلەستىم, ولار قىزىعۋشىلىق تانىتىپ وتىر. بىزگە قاتاردان جۇگىندى. بارلىعى 10-عا جۋىق ەل QazVac-تى جەتكىزۋ ماسەلەسى بويىنشا جۇگىندى. قازىر وسى باعىتتا جۇمىس ىستەپ جاتىرمىز, اۆتورلىق قۇقىقتى تىركەيمىز. ءبىزدىڭ ينستيتۋت بولاشاقتا QazVac-تى عانا ەمەس, باسقا دا ۆاكتسينالاردى حالىقارالىق پاتەنت الىپ جاتىر», دەدى ا.تسوي.
ودان وزگە ول كوروناۆيرۋسقا قارسى ۆاكتسينانى كوپتەگەن دامىعان ەل جاساي الماي وتىرعاندا بۇل قازاقستاننىڭ قولىنان قالاي كەلگەنىن ايتىپ بەردى.
ء«بىزدىڭ عالىمدار كەز كەلگەن ۆيرۋستى ءبولىپ الىپ, ودان ۆاكتسينا جاساي الاتىنىن كورسەتتى. بۇل قازاقستان باسقا ەلدەرگە قاراعاندا اقىلدىراق دەگەنىم ەمەس. وسىنداي قاۋىپسىزدىك دەڭگەيى جوعارى زەرتحانالار الەمدە از. مۇنداي جابايى ۆيرۋستارمەن جۇمىس ىستەۋ تاجىريبەسى كوپ ەلدە جوق. وسىعان بايلانىستى ءبىز جاساي الدىق. ءبىز بۇل ماسەلەمەن كوپ جىلدار بويى اينالىسىپ كەلەمىز», دەدى مينيستر.
