الايدا stopfake.kz سايتى بۇل اقپاراتتىڭ ءالى دالەلدەنبەگەنىن جازدى.
قر دەنساۋلىق ساقتاۋ مينيسترلىگى بۇل جاعدايعا قاتىستى تۇسىنىكتەمە بەردى. مامانداردىڭ ايتۋىنشا, قىزدىڭ ەكپە سالدىرعانىنا ءبىراز بولعان, بىراق ول ۆاكتسينانى تولىق الماعان.
– ول ۆاكتسينانىڭ ءبىرىنشى دوزاسىن ءساۋىر ايىنىڭ سوڭىندا الدى. ەكىنشى كومپونەنتىن الماعان. جەدەل جاردەم ۆاكتسيناتسيادان كەيىن ءبىر اي وتكەن سوڭ شاقىرىلدى, – دەپ حابارلادى ۆەدومستۆودان.
دەگەنمەن بۇل ىسپەن ماماندار اينالىسىپ جاتىر.
– كونۆۋلسيالىق سيندرومى بار ناۋقاستىڭ №7 قكا قابىلداۋ بولىمىنە جۇگىنۋ فاكتىسى بويىنشا, قوعامدىق دەنساۋلىق ساقتاۋ باسقارماسى بۇل جاعدايدى زەرتتەپ جاتقانىن حابارلايمىز, ۆاكتسيناتسيامەن بايلانىسىن انىقتاۋ ءۇشىن جۇمىس توبى قۇرىلدى, – دەپ حابارلادى الماتى قالاسىنىڭ قوعامدىق دەنساۋلىق باسقارماسىنان.
قىزدىڭ بويىنداعى سيندرومنىڭ ناقتى سەبەپتەرى كەيىنىرەك بەلگىلى بولادى. قازىرگى كەزدە دارىگەرلەر قۇرىسۋلار ۆاكتسيناتسيا ناتيجەسىندە باستالدى دەپ ايتۋعا نەگىز جوق دەيدى.
