«ماعان وسى سۇراق ءجيى قويىلادى. مەملەكەت باسشىسى اكىمدىك لاۋازىمدى ماعان سەنىپ تاپسىردى. وعان مەنىڭ كۇشىم دە, دەنساۋلىعىم دا جەتەدى. «ەرتەڭ ساعات 12-دە جۇمىستان كەتەسىڭ» دەسە, مەن سول 12-گە دەيىن مىندەتىمدى ادال ءارى جاۋاپتى تۇردە اتقارامىن, حالىق ءۇشىن جۇمىس ىستەيمىن جانە مەملەكەت باسشىسىنىڭ تاپسىرمالارىن ورىندايمىن. ال ەرتەڭ كەتەمىن بە, ارعى كۇنى مە, ءبىر جىلدان كەيىن بە, كەرەك ادام ءوزى ويلانىپ, بولجامىن جاساي بەرسىن», دەپ جاۋاپ بەردى وبلىس باسشىسى وكق-داعى بريفينگتە.
ەسكە سالايىق, اماندىق باتالوۆ 1952 جىلدىڭ 22 قاراشاسىندا دۇنيەگە كەلگەن. بيىل 69 جاسقا تولادى.
