ءباسپاسوز قىزمەتىنىڭ مالىمەتىنشە, بيىلعى جىلدىڭ 25 مامىرىندا شورتاندى اۋداندىق پب كەزەكشى بولىمىنە نوۆوسەلوۆكا اۋىلىنىڭ 59 جاستاعى تۇرعىنىنان ارىز تۇسكەن. ايەلدىڭ سوزىنشە, 2018 جىلعى جەلتوقساننان باستاپ 25 مامىرعا دەيىن بەلگىسىز بىرەۋلەر ونىڭ «قازپوشتا» اق-داعى شوتىنان 993 مىڭ 500 تەڭگە كولەمىندە اقشا قاراجاتىن العان. جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى بۇرىن «قازپوشتا» اق-دا جۇمىس ىستەگەن وسى اۋىلدىڭ 32 جاستاعى تۇرعىنىن انىقتادى. كۇدىكتى بۇل ارەكەتىن مويىنداعان.
«قازىرگى ۋاقىتتا وسىعان بايلانىستى قىلمىستىق كودەكستىڭ 189-بابىنىڭ 2-بولىگى «سەنىپ تاپسىرىلعان م ۇلىكتى يەمدەنۋ نەمەسە ىسىراپ ەتۋ» بويىنشا سوتقا دەيىنگى تەرگەۋ شارالارى جۇرگىزىلۋدە. كۇدىكتىگە قاتىستى شاقىرعاندا كەلۋ مىندەتتەمەسى تۇرىندە ماجبۇرلەۋ شاراسى تاڭدالدى. تەرگەۋ شارالارى جالعاسۋدا», دەدى ءباسپاسوز وكىلى.
