تۇركسىب اۋداندىق پوليتسيا باسقارماسىنا قاراستى مامانداندىرىلعان ەكولوگيالىق پوليتسياسى, جەدەل ۋاكىلەتتى ورگاندارمەن بىرلەسىپ قورشاعان ورتانى قورعاۋ بويىنشا الدىن الۋ شارالارى بارىسىندا جەردىڭ قۇنارلى توپىراق قاباتىن زاڭسىز الۋ فاكتىلەرىن انىقتادى.
پوليتسيانىڭ مالىمەتىنشە, بەلگىسىز ادامدار قۇنارلى توپىراق قاباتىن زاڭسىز الۋ بويىنشا بەلسەندى جۇمىس جۇرگىزگەن.
«تۇركسىب اۋدانىنىڭ اۋماعىندا ولار قارا توپىراقتى, گرۋنتتى جانە باللاستى رۇقساتسىز الۋ جۇمىستارىن جۇرگىزگەن. جەردىڭ زاڭسىز قازىلعان توپىراعى نەگىزىنەن قۇرىلىس جۇمىستارىنا شيكىزات رەتىندە قولدانىلادى. بۇل فاكت بويىنشا قالانى اباتتاندىرۋ ەرەجەسىن جانە ينفراقۇرىلىم نىساندارىن بۇزعانى ءۇشىن, جاسىل القاپتاردى قيراتقانى جانە بۇلدىرگەنى ءۇشىن قر اقبك-ءنىڭ 505-بابى, قر اقبك-ءنىڭ 386-بابىنا سايكەس ءىس-شارالار قابىلداندى. قازىرگى ۋاقىتتا اتالعان زاڭ بۇزۋشىلىقتارعا قاتىسى بار ادامداردى انىقتاۋ بويىنشا قاجەتتى شارالار قابىلدانۋدا», دەدى تۇركسىب اۋداندىق پوليتسيا باسقارماسىنىڭ باستىعى ەركىن امانتاەۆ.
سونىمەن قاتار, وسىنداي فاكتىلەر قالانىڭ الاتاۋ, بوستاندىق, جەتىسۋ جانە مەدەۋ اۋداندارىندا انىقتالعانىن جەتكىزدى.
كىنالىلەر قر-نىڭ زاڭناماسىنا سايكەس جازالاندى.
