ءموبيلدى اقپاراتتىق توپ مۇشەلەرى الدىمەن س.مۇقاشەۆ اتىنداعى كوللەدجدىڭ ۇجىمىمەن كەزدەسۋ وتكىزدى. توپ قۇرامىندا وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆ, ءوڭىردىڭ باس مەملەكەتتىك سانيتاريالىق دارىگەرى مادەنيەت تاناۋوۆ, سونداي-اق وبلىستىق ءبىلىم باسقارماسىنىڭ باسشىسى ساتقان ەسەنعاليەۆ بار.
وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆتىڭ ايتۋىنشا, وڭىردە كوروناۆيرۋسقا قارسى ۆاكتسينا العاندار سانى 50 مىڭنان استى. ۆاكتسينانىڭ تولىق كومپونەنتىن سالدىرعاندار قاتارى 20 مىڭنان استام ادامدى قۇراپ وتىر.
«اتىراۋ وبلىسىنا 1 اقپان مەن 26 مامىر ارالىعىندا 74 200 دوزا ۆاكتسينا جەتكىزىلدى. مامىردىڭ سوڭىنا دەيىن اقپاراتتىق-ءتۇسىندىرۋ جۇمىستارىنىڭ ناتيجەسىندە ۆاكتسينا دوزالارىنىڭ تەڭ جارتىسى يگەرىلدى. حالىققا ءتۇسىندىرۋ جۇمىسى وتە قاجەت. ويتكەنى, تۇرعىندار ۆاكتسينالاۋ تۋرالى بارلىق اقپاراتتى ءتيىستى باسقارما باسشىلارىنىڭ وزىنەن ەستىگىسى كەلەدى», دەيدى اسحان بايدۋاليەۆ.
