ونەر • 27 مامىر، 2021

ەلوردا ساحناسىندا – «كارمەن»

46 رەت كورسەتىلدى

29 جانە 30 مامىردا «استانا وپەرا» تەاترىنىڭ جەتەكشى ءسوليسى مەيىر باينەش العاش رەت ج.بيزەنىڭ «كارمەن» وپەراسىنداعى دون حوزەنىڭ پارتياسىندا ۇلكەن زال ساحناسىنا شىعادى.

ال ميكاەلا ءرولىن العاشقى كۇنى قازاقستاننىڭ ەڭبەك سى­ڭىر­گەن قايراتكەرى جاميلا دجار­كيمباەۆا سومداسا، كەلەسى كۇنى وپەرا ترۋپپاسىنىڭ ءسو­ليسى اي­گۇل نيازوۆا وزىن­دىك ينتەرپرەتاتسياسىمەن كوپ­شىلىك نازارىنا ۇسىنباق. قى­زۋقاندى ءارى ەركىندىككە جانى قۇمار سىعان قىزى كار­مەننىڭ باس پارتياسىن قازاق­ستاننىڭ ەڭبەك سىڭىرگەن قاي­راتكەرى دينا حامزينا مەن تاتيانا ۆيتسينسكايا ورىندايدى. تورەادور ەسكاميلونىڭ بەينەسىن قازاقستاننىڭ ەڭبەك سىڭىرگەن قايراتكەرى تالعات مۇساباەۆ پەن جۋىردا عانا تەاتر­دىڭ وپەرا ترۋپپاسىن تولىق­تىرعان سوليست راسۋل جار­ما­عامبەتوۆ سومدايدى.

وقيعا ءحىح عاسىردىڭ ءبى­رىنشى جارتىسىنداعى يس­پا­نيادا ءوربيدى. مۇندا سۇلۋ، سىلقىم، ەركىن سىعان قىزى كار­مەن تەمەكى فابريكاسىنداعى جۇ­مىسكەرلەر اراسىنان بىر­دەن كوزگە تۇسەدى. باستاپقى شى­عار­مادان وزگەشەلىك رەتىن­دە بيزە كەيىپكەرىنىڭ مىنەزىن جاقسى جاققا وزگەرتىپ، بىربەت­كەيلىگى مەن ەركىندىگىنە باسا نازار اۋدارىلعان. ليبرەتتو اۆتورلارى وپەرا ارەكەتىنە بەي­نەلى حالىق ساحنالارىن ەنگىزگەن. وڭتۇستىكتىڭ ىس­تىق كۇنى استىنداعى قىزبا قا­ۋىم، سىعان قىزدارى مەن كون­ترا­بانداشىلاردىڭ مۇسىندەرى، بۇقا جارىسىنىڭ كوتەرىڭكى كوڭىل كۇيى كارمەن، حوزە، ميكاەلا مەن ەسكاميلونىڭ وپەراداعى وزىندىك مىنەزىن، ولاردىڭ تاع­دىرىنىڭ ءدرا­ماتيزمىن ەرەك­شەلەيدى. لي­برەتتوسىن پروسپەر مەريمەنىڭ اتتاس اڭگىمەسى بويىنشا انري مەلياك پەن ليۋدوۆيك گالەۆي جازعان. تۋىن­دىنىڭ قويۋشى ديريجەرى – تەاتردىڭ باس ديريجەرى، قازاق­ستاننىڭ ەڭبەك سىڭىرگەن قاي­راتكەرى، مەملەكەتتىك سىيلىق لاۋ­رەاتى الان بورىباەۆ. قويۋ­شى رەجيسسەر – لورەنتسو اماتو، قويۋ­شى ستسەنوگراف – ەتسيو فريدجەريو، كوستيۋمدەر بويىنشا سۋرەتشى – فران­كا سكۋارچاپينو، جارىق بو­يىنشا سۋرەتشى – ياكوپو پان­تاني، پروەكتسيالار بويىن­شا سۋرەتشى – سەردجيو مەتاللي. باس حورمەيستەر – قا­زاقستاننىڭ ەڭبەك سىڭىرگەن قايراتكەرى ەرجان ءداۋىتوۆ. قويۋشى رەجيس­سەر­دىڭ اسسيستەنتى – ەرەنباق توي­كەنوۆ. قويۋشى بالەتمەيس­تەر­لەر – ەلەنا شەرست­نەۆا، قا­زاقستاننىڭ ەڭبەك سىڭىرگەن قايراتكەرى تۇرسىنبەك نۇر­قاليەۆ، جاۋاپتى كونتسەرتمەيس­تەر، سينحرون رەداكتورى – ەلە­نا ساحنو، بالالار حورىنىڭ جە­تەك­شىسى – التىنعانىم احمەتوۆا.

 

سوڭعى جاڭالىقتار

ءابىلحان كاسىپقوي بوكسقا اۋىستى ما؟

كاسىپقوي بوكس • بۇگىن، 12:39

7361 تۋريست ەلگە ورالدى

قوعام • بۇگىن، 12:20

رەزەرۆتە قانشا دارىگەر بار؟

كوروناۆيرۋس • بۇگىن، 12:16

ەلدە شەكتەۋ شارالارى كۇشەيتىلدى

كوروناۆيرۋس • بۇگىن، 11:45

قانات يسلام رەيتينگتە تومەندەدى

كاسىپقوي بوكس • بۇگىن، 10:30

«سارى» ايماقتا جالعىز-اق ءوڭىر قالدى

كوروناۆيرۋس • بۇگىن، 09:56

1142 ادام كوروناۆيرۋستان ساۋىقتى

كوروناۆيرۋس • بۇگىن، 09:05

جانىبەك ءتورتىنشى ورىندا

بوكس • بۇگىن، 08:59

تۇڭعىش رەت قاتىسادى

قىسقى سپورت • بۇگىن، 08:55

شىرشالار «شىرىلدامايدى»

ايماقتار • بۇگىن، 08:52

بۋبليك ەكىنشى كەزەڭگە ءوتتى

تەننيس • بۇگىن، 08:50

چەمپيوندى كۇتىپ الدى

سپورت • بۇگىن، 08:42

جەتىسۋ: جاعداي تۇراقتالدى ما؟

ايماقتار • بۇگىن، 08:39

اقتوبە:«قاڭتار ساباقتارى»

ايماقتار • بۇگىن، 08:35

ۇقساس جاڭالىقتار