ماڭعىستاۋ وبلىسى اكىمدىگى ءباسپاسوز قىزمەتىنىڭ حابارلاۋىنشا, وڭىردە دەنساۋلىق ساقتاۋ نىساندارى شتاتتىق رەجىمدە جۇمىس ىستەۋدە. تۇرعىندارعا 515 ينفەكتسيالىق جانە 60 رەانيماتسيالىق توسەكتىك 10 ستاتسيونار قىزمەت كورسەتۋدە جانە بۇعان قوسىمشا 2 452 توسەكتىك ورىن, 131 رەانيماتسيالىق ورىن تولىعىمەن جابدىقتالىپ, رەزەرۆتە دايىن تۇر. وسى جىلدىڭ 17-24 مامىر ارالىعىندا 359 ادام ەم قابىلداپ, جازىلىپ شىققان. بۇگىندە ستاتسيونارلاردا 237 ادام ەم الىپ جاتىر. ونىڭ 20-سى كامەلەت جاسقا تولماعان بالالار. وڭىردە بارلىعى ەكى كومپونەنت بويىنشا 52 926 ادام ەگىلگەن بولسا, اۋرۋحانادا كوروناۆيرۋسپەن اۋىرىپ جاتقانداردىڭ بارلىعى كۆي-گە قارسى ەكپە الماعاندار ەكەن.
ماڭعىستاۋ وبلىسىندا كۆي-گە قارسى ەكپەگە ارنالعان 38 ەكپە كابينەتى جۇمىس ىستەيدى. ونىڭ 17-ءى – اقتاۋ قالاسىندا. قوسىمشا ەكپە پۋنكتتەرىنىڭ جۇمىسى ۇيىمداستىرىلۋدا.
– ءدارى-دارمەك جانە جەكە قورعانۋ قۇرالدارىمەن قامتۋ ماسەلەسى دە باستى نازاردا. مەديتسينالىق مەكەمەلەر مەن ءدارىحانالاردا 3 ايعا جەتەتىن ءدارى-دارمەك جانە جەكە قورعانۋ قۇرالدار قورى جاساقتالدى. سونىمەن قاتار مەديتسينالىق ۇيىمدار قاجەتتى جابدىقتارمەن تولىق كولەمدە قامتىلدى, بۇل بويىنشا ماسەلە جوق, – دەيدى ماڭعىستاۋ وبلىسى اكىمىنىڭ ورىنباسارى گ.قالمۇراتوۆا.
سونىمەن قاتار ءوڭىردىڭ 241 كاسىپكەرلىك وبەكتىسىندە اshyq موبيلدىك قوسىمشاسى تولىق ىسكە قوسىلعان. 29 كاسىپكەرلىك نىسان سىناق مەرزىمىمەن جۇمىس ىستەۋدە. الايدا اshyq قوسىمشاسى ارقىلى قوسىلىپ, بىراق ءتيىستى تالاپتاردى ساقتاماعان كاسىپكەرلىك نىساندارى دا انىقتالدى. ءتارتىپ بۇزعان «LOFT PUB», «Coffee City Premium», «دونەر سارايى», «نا مانگالە», «شۋم-گام بار» قوعامدىق ورىندارىنىڭ اshyq قوسىمشاسىنداعى اككاۋنتتارى 2 اپتاعا بۇعاتتالدى.
ماڭعىستاۋ وبلىسى
