قاسىم-جومارت توقاەۆقا ەلىمىزدەگى سۋ قويمالارىنىڭ جاعدايى تۋرالى ەسەپ بەرىلدى. ماعزۇم مىرزاعاليەۆتىڭ ايتۋىنشا, سوڭعى جىلدارى سۋ تاپشىلىعىن بولدىرماۋعا باعىتتالعان اۋقىمدى جۇمىستار جۇرگىزىلىپ جاتىر. اتاپ ايتقاندا كورشى ەلدەردىڭ قۇزىرەتتى ورگاندارىمەن ءوزارا ىقپالداسا وتىرىپ, سۋ نىساندارىن قايتا قالپىنا كەلتىرۋ, تسيفرلاندىرۋ جانە شارۋالاردى سۋمەن قامتاماسىز ەتۋ ماسەلەلەرى قولعا الىندى. قىرعىز تاراپىمەن توقتاعۇل سۋ قويماسىنان قوسىمشا سۋ جىبەرۋگە كەلىسىم جاسالىپ, جامبىل وبلىسىنداعى شۋ جانە تالاس وزەندەرىنىڭ باسسەيندەرىنە سۋ جىبەرۋ كەستەسى بەكىتىلدى. رەسەي تاراپىمەن يريكلينسك سۋ قويماسىنان جايىق وزەنىنە جىبەرىلەتىن سۋدىڭ كولەمىن كوبەيتۋ جونىندە كەلىسسوز جۇرگىزىلىپ جاتىر.
پرەزيدەنتكە كيىكتەردى قورعاۋ ءۇشىن قابىلدانعان شارالار مەن ولاردىڭ سانىن انىقتاۋ ماقساتىندا جۇرگىزىلگەن ساناقتىڭ قورىتىندىلارى جونىندە اقپارات بەرىلدى. سالالىق ۆەدومستۆونىڭ مالىمەتى بويىنشا براكونەرلىككە قارسى ءتيىمدى جۇرگىزىلگەن كۇرەستىڭ جانە زاڭنامانىڭ قاتاڭداتىلۋىنىڭ ارقاسىندا سوڭعى 2 جىل ىشىندە كيىكتەردىڭ سانى 334 مىڭنان 842 مىڭعا دەيىن كوبەيگەن.
مەملەكەت باسشىسىنىڭ تاپسىرماسى بويىنشا ماعزۇم مىرزاعاليەۆ باتىس قازاقستان وبلىسىنا بارىپ, ساراپشىلارمەن, عالىمدارمەن, جەرگىلىكتى فەرمەرلەرمەن جانە اكىمدىكپەن بىرلەسە وتىرىپ, كيىكتىڭ جايىلىم ءورىسىن انىقتاۋ ماسەلەلەرىن كەشەندى تۇردە قاراستىرعان. قاسىم-جومارت توقاەۆ جالپى 657 مىڭ گەكتار اۋماقتى قۇرايتىن «بوكەيوردا» جانە «اششىوزەك تابيعات قورىعى» تابيعي رەزەرۆاتتارىن قۇرۋ تۋرالى شەشىم قابىلدادى. بۇل شەشىم ورال وڭىرىندەگى كيىكتەردىڭ جايىق وزەنىنىڭ سول جاعالاۋىنا ءورىس اۋىستىرۋىنا مۇمكىندىك بەرەدى.
بۇدان بولەك مينيستر بالىقتاردى قورعاۋعا باعىتتالعان «بەكىرە», «ۋىلدىرىق شاشۋ» جانە «تازا توعان» شارالارى تۋرالى ايتتى. وسى شارالاردىڭ ناتيجەسىندە بىرقاتار قىلمىستىق ءىس قوزعالىپ, ايىپپۇلدار سالىندى, 300 شاقىرىمعا جۋىق اۋ مەن بىرنەشە كولىك تاركىلەندى.
پرەزيدەنتتىڭ 2 ميلليارد اعاش ەگۋ تۋرالى تاپسىرماسىن ورىنداۋ اياسىندا بۇگىنگە دەيىن 80 ميلليون كوشەت وتىرعىزىلعان. ەكوتۋريزمدى دامىتۋ ماقساتىمەن 4 ءىرى ۇلتتىق پارككە جالپى قۇنى 31 ميلليارد تەڭگەدەن استام قارجى قۇياتىن ينۆەستورلار انىقتالدى.
پرەزيدەنت مينيسترلىكتىڭ بۇل باعىتتاعى جۇمىستارىن وڭ باعالادى.
كەزدەسۋ سوڭىندا مەملەكەت باسشىسى سۋ رەسۋرستارىن رەتتەۋ ماسەلەسىن ەرەكشە باقىلاۋدا ۇستاپ, براكونەرلىكپەن كۇرەستى كۇشەيتۋدى تاپسىردى.
