اقتوبە وبلىسىنىڭ باس سانيتار دارىگەرى جاڭا قاۋلى شىعاردى. قاۋلىدا اشىق اۋاداعى اكۆاپاركتەردىڭ قىزمەتىنە رۇقسات بەرىلگەن.
«جاعاجايلار جۇمىسىن باستاي الادى. سونىمەن بىرگە بەتپەردە تاعۋ, الەۋمەتتىك ارا قاشىقتى ساقتاۋ رەجيمىن ۇستانعان كينوتەاترلار دا كەلۋشىلەرگە قىزمەت كورسەتەدى. اتا-انالاردىڭ ءوتىنىشى بويىنشا جازعى مەكتەپتەر جۇمىس ىستەيدى. تەك سىنىپتاعى بالا سانى 15-تەن اسپاۋى ءتيىس», دەپ حابارلادى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى.
سونداي-اق تۇنگى جانە ويىن كلۋبتارى, قورقور (ونىڭ ىشىندە قوعامدىق تاماقتانۋ ورىندارى جانىنداعى) بۋكمەكەر كەڭسەلەر مەن لوتورەيا كلۋبتارى, لوتورەيا ساتاتىن وزگە دە ورىندار جۇمىسىنا شەكتەۋ بار. ايتا كەتۋ كەرەك, بۇل نىساندار تەك Ashyq جوباسى اياسىندا جۇمىس ىستەي الادى.
