«تاعى ءبىر سانكتسيالاردى دايىنداپ جاتساڭىزدار, وقيعانى تەرگەۋ كەزىندە بەلارۋس جۇمساعان شىعىنداردى وتەۋدى ۇمىتپاڭىزدار. مەنىڭ كوماندام بويىنشا تجم, دەنساۋلىق ساقتاۋ مينيسترلىگى, ساپەرلەر, كينولوگتار, انتيتەررور جانە باسقا دا قىزمەتتەر كوتەرىلدى. ولار حالىقارالىق ەرەجەلەر مەن ءبىزدىڭ زاڭدارىمىزعا سايكەس تارتىلدى. بۇل ءۇشىن اقى تولەۋ كەرەك», دەدى ول پارلامەنت پەن كونستيتۋتسيالىق كوميسسيا مۇشەلەرىمەن جانە بەلارۋستىڭ مەملەكەتتىك باسقارۋ ورگاندارىنىڭ وكىلدەرىمەن وتكەن كەزدەسۋدە.
لۋكاشەنكونىڭ ايتۋىنشا, «بەلارۋسكە قارسى كوپ دەڭگەيلى, كوپ قىرلى گيبريد سوعىس باستالعانى بۇكىل الەمگە تۇسىنىكتى».
«ماقسات ايقىن. بەلارۋستى قورلاۋ كىمگە پايدالى ەكەنىن ءبىز دە بىلەمىز. سىزدەرگە قۇلاققاعىس: بەلارۋس - شاعىن مەملەكەت, بىراق ءبىز ادەكۆات تۇردە جاۋاپ بەرەمىز. الەمدە ۇقساس مىسالدار بار. جەتە ويلاستىرىلماعان, وتكىر شەشىمدەر جاساماس بۇرىن, بەلارۋس ەۋروپانىڭ ورتالىعى ەكەنىن ۇمىتپاڭىزدار. مۇندا ءبىر نارسە باستالسا, تاعى ءبىر سوعىس, دۇنيەجۇزىلىك سوعىس بولادى. ايتپاقشى, الدىڭعىسى دا وسى جەردەن باستالدى», دەدى ول.
