فرانتسيا ۇكىمەتى شەكتەۋلەردى الىپ تاستاۋدىڭ ءتورت ساتىلى پروتسەسىن قولعا العان سوڭ, سونىڭ ىشىندە مادەني نىساندارعا جۇمىس ىستەۋگە رۇقسات بەرگەننەن كەيىن كوپتەگەن مۋزەي كەلۋشىلەردى قابىلداۋدىڭ باستالۋ كۇندەرىن جاريالادى.
لۋۆر مەن ورسە مۋزەيى 19 مامىردا اشىلدى. ولار ءبىر شارشى مەترگە كەلۋشىلەر سانىنا قاتىستى قاتاڭ ەرەجەلەردى ساقتايدى جانە تەك الدىن الا بروندالعان بيلەتپەن كىرۋگە بولادى.
پاريج ءدامحانالارى 19 مامىردان باستاپ قوناقتاردى قايتا اشىق الاڭدارىن قابىلدادى, ال 9 ماۋسىمنان باستاپ جابىق زالدار جۇمىس ىستەيدى. الايدا ءبىر ۇستەلگە التى ادامنان ارتىق وتىرۋعا بولمايدى.
پاريج ديسنەيلەندى 17 ماۋسىمدا جۇمىسىن قايتا باستايتىنىن جاريالادى. التى جاستان اسقان بارلىق قوناققا بەتپەردە كيۋ كەرەك, سونىمەن قاتار ادامدار كوپ جينالماۋى ءۇشىن قوسىمشا ەرەجەلەر قاراستىرىلعان. تەك الدىن الا تاپسىرىس بەرىلگەن بيلەتپەن كىرۋگە بولادى.
