ساپار بارىسىندا يۋتا شتاتىنىڭ لەيتەنانت-گۋبەرناتور دەيدرە حەندەرسونمەن كەزدەسىپ, ەكى جاقتى ەكونوميكالىق, مادەني, عىلىمي ىنتىماقتاستىق جونىندە ءسوز قوزعالدى. دەيدرە حەندەرسون ءوز كەزەگىندە ەكى جاقتى ءتيىمدى قاتىناستاردى قولدايتىنىن جانە قازاقستان مەن اقش اراسىنداعى ستراتەگيالىق ارىپتەستىكتى ودان ءارى دامىتۋدىڭ ماڭىزدىلىعىن اتاپ ءوتتى.
ساپار باعدارلاماسىنىڭ ماڭىزدى بولىگى پايدالى قازبالاردى ءوندىرۋ, تۋريزم, اۋىل شارۋاشىلىعى قاۋىمداستىقتارىنىڭ باسشىلارىمەن جانە وسى سالالارداعى شتاتتىڭ جەتەكشى كومپانيالارىمەن كەزدەسۋ بولدى.
«Kazakh Invest» ۇلتتىق كومپانياسىنىڭ سولتۇستىك امەريكا ايماعى بويىنشا رەسمي وكىلى عالىمجان ماتاەۆ ەلىمىزدىڭ ينۆەستيتسيالىق مۇمكىندىكتەرى تۋرالى ەگجەي-تەگجەيلى اقپارات بەردى جانە امەريكاندىق كومپانيالار تاراپىنان قىزىعۋشىلىق تۋدىراتىن بىرقاتار ناقتى جوبالاردى تانىستىردى.
ساپار قورىتىندىسى بويىنشا ەكى جاق تاراپتان قىزىعۋشىلىق تۋدىراتىن ناقتى جوبالار بويىنشا جۇمىستى جالعاستىرۋ تۋرالى ۋاعدالاستىققا قول جەتكىزىلدى.
