كوكپاردان وبلىستىق قۇراما كوماندانىڭ اعا جاتتىقتىرۋشىسى نۇرجان شايحين مۇنداي ورلەۋدى ءوڭىر باسشىلىعىنىڭ, وبلىستىق دەنەشىنىقتىرۋ جانە سپورت باسقارماسىنىڭ ناقتى قولداۋ كورسەتىپ وتىرعاندىعىمەن بايلانىستىرادى.
– وسىنداي قامقورلىقتىڭ ارقاسىندا جارىستى جوعارى دەڭگەيدە وتكىزۋ مۇمكىندىگىنە يە بولدىق. ەندى اۋدانداردا جاس كوكپارشىلاردى تاربيەلەۋمەن قۇلشىنا اينالىساتىن, ءبىزدىڭ وڭىردە وسى ۇلتتىق سپورت ءتۇرىن بەلسەندى تۇردە دامىتاتىن ىنتالى جانە بىلىكتى جاتتىقتىرۋشىلار جۇمىس ىستەيتىن بولادى. كوكپاردىڭ «جاسارىپ» كەلە جاتقانى انىق, بۇل ءبىزدى قۋانتادى, – دەيدى ن.شايحين.
چەمپيوناتتىڭ فينالدىق ويىندار كەزەڭىنىڭ قورىتىندىسىندا شەت اۋدانىنىڭ كوكپارشىلارى الدىنا جان سالماي, چەمپيون اتاندى. كۇمىس جۇلدەنى نۇرا اۋدانىنىڭ كومانداسى يەلەنسە, جاڭاارقا جانە قارقارالى اۋداندارىنىڭ بالۋاندارى قولا جۇلدەنى ءوزارا ءبولىستى.
قاراعاندى وبلىسىنىڭ چەمپيوناتىندا كوزگە تۇسكەن ۇزدىك كوكپارشىلاردان قۇراما كوماندا جاساقتالدى. ولار ەندى پاۆلودار قالاسىندا وتەتىن ەل بىرىنشىلىگىندە ءوڭىردىڭ نامىسىن قورعايتىن بولادى.
قاراعاندى وبلىسى,
شەت اۋدانى
