الەم • 25 مامىر، 2021

گەرمانيادا «ۆاكتسيناتسيا ءتۋريزمى» دامۋدا

21 رەت كورسەتىلدى

گەرمانيادا كوروناۆيرۋس ينفەكتسياسىنا قارسى ۆاكتسينانىڭ جەتىسپەۋشىلىگى تۋريستىك بيزنەستىڭ جاڭا تۇرلەرىن تۋدىردى، دەپ حابارلايدى Egemen.kz.

كوروناۆيرۋسقا قارسى پرەپاراتتار ەلدىڭ ءارتۇرلى ايماقتارىنىڭ ەگۋ ورتالىقتارىنا بىركەلكى تۇسپەيدى، سوندىقتان گەرمانيادا «ۆاكتسيناتسيا ءتۋريزمى» دامۋدا. ءبىر جاعىنان، بۇل ءۇردىس بارلىق ايماقتاردا ءدارى-دارمەكتەردىڭ قاجەتتى مولشەرىن قامتاماسىز ەتە الماعان ساياساتكەرلەردىڭ ساتسىزدىگىن كورسەتەدى. ەكىنشى جاعىنان، ول حالىقتىڭ ۆاكتسيناتسياعا دايىن ەكەندىگىن اڭعارتادى.

جاپونيا وليمپيادا ويىندارىنا دايىندالۋدا. اقش سىرتقى ىستەر مينيسترلىگى ويىندار اشىلعانعا دەيىن ەكى اي بۇرىن كوروناۆيرۋستىڭ تارالۋىنا بايلانىستى جاپونياعا ساپارلاردىڭ قاجەت ەمەستىگى تۋرالى مالىمدەمە جاسادى. مەملەكەتتىك دەپارتامەنت تاۋەكەل دارەجەسىن ەڭ جوعارى دەڭگەيگە كوتەردى. ء«تىپتى ۆاكتسيناتسيالانعان ساياحاتشىلار جاپونيادا كوروناۆيرۋس جۇقتىرۋى مۇمكىن جانە وسىلايشا ونىڭ جاڭا نۇسقالارىنىڭ تارالۋىنا ىقپال ەتەدى»، دەپ حابارلايدى اۋرۋلاردى باقىلاۋ جانە الدىن الۋ ورتالىعى.

برازيليادا كوروناۆيرۋس ينفەكتسياسى بويىنشا ەپيدەميولوگيالىق جاعداي كۇردەلەنە ءتۇستى. وتكەن تاۋلىكتە COVID-19 سالدارىنان 790 ناۋقاس كوز جۇمدى. ينفەكتسيا جۇقتىرۋدىڭ تاۋلىكتىك ءوسىمى 37 498 جاعدايدى قۇرادى. جالپى، پاندەميا باستالعاننان بەرى 211 ميلليون حالقى بار برازيليادا كوروناۆيرۋستى جۇقتىرۋدىڭ 16 ميلليونعا جۋىق دەرەگى تىركەلدى. 450 مىڭعا جۋىق ناۋقاس قايتىس بولدى.

مالتا كوروناۆيرۋسقا قارسى ۇجىمدىق يممۋنيتەت قالىپتاسقان ەۋرو وداقتاعى العاشقى مەملەكەت بولدى. رەسمي مالىمەتتەر بويىنشا، ەرەسەك تۇرعىنداردىڭ شامامەن 70%-ى سovid-19-عا قارسى ۆاكتسينانىڭ كەم دەگەندە ءبىر كومپونەنتىن سالدىرعان. 16 جاستان اسقان مالتا ازاماتتارىنىڭ 42%-ى ۆاكتسينانىڭ ەكى دوزاسىن الدى. حالىقتىڭ ەڭ وسال بولىگى بولىپ سانالاتىن 60 جاستان اسقان ادامدار اراسىندا ەكپە قابىداعانداردىڭ ۇلەسى 95%-عا جەتتى. ايتا كەتۋ كەرەك، مالتا-ەو جانە الەمنىڭ وزگە ەلدەرىنەن كەلگەن تۋريستەر ءجيى كەلەتىن سۇيىكتى ورىن بولىپ سانالادى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار