ەلەنا ساكەنوۆا ء«وزىن ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىنىڭ اۆتورى سارا الپىسقىزى نازارباەۆانىڭ قۇتتىقتاۋ ءسوزى مەن تۇلەكتەرگە ارنالعان وسيەتتەرىن وقىپ بەردى.
سارا الپىسقىزىنىڭ قۇتتىقتاۋىندا: «ادامي تۇتاستىقتىڭ ىشكى نەگىزى – جالپىادامزاتتىق قۇندىلىقتار. ولار ادامدا رۋحاني تازالىقتىڭ, سۇيىسپەنشىلىكتىڭ, قۇرمەتتىڭ ۇشقىنىن تۇتاتادى جانە وسى ۇشقىن ارقىلى جۇرەكتە ومىردەگى باستى باسىمدىقتاردىڭ: رۋحانيلىقتىڭ, ادامگەرشىلىكتىڭ, ءپاتريوتيزمنىڭ الاۋى تۇتانادى» دەلىنگەن.
ء«وزىن ءوزى تانۋ» باعدارلاماسىنىڭ اۆتورى تۇلەكتەردىڭ ءوز ەلىنىڭ ادامگەرشىلىگى جوعارى, ءبىلىمدى جانە باقىتتى ازاماتى بولۋعا تىلەكتەستىك ءبىلدىردى.
ەلەنا ساكەنوۆا سارا الپىسقىزى ءوزىن ءوزى تانۋ, ۇيلەسىمدى دامۋ جانە ارقايسىمىزدىڭ تولىققاندى ءوزىن ءوزى جۇزەگە اسىرۋ ءۇشىن بارلىق جاعدايدى جاساعانىن اتاپ ءوتتى. «ادام باقىتى مەن ومىرلىك ساتتىلىكتىڭ سىرى وزىمەن ۇيلەسىمدە, تابيعاتپەن ۇيلەسىمدە, قوعاممەن ۇيلەسىمدە ەكەنىن بىلەمىز», دەپ تۇلەكتەرگە ىزگى نيەتىن ءبىلدىردى.
ء«وزىن ءوزى تانۋ» گيمنازياسىنىڭ تۇلەكتەرى سارا الپىسقىزىنا, «بوبەك» ۇعپببسو-نىڭ ۇجىمىنا, مۇعالىمدەرگە جىلى لەبىزدەرىن جولداپ, ء«وزىن ءوزى تانۋ» ءپانى ءۇشىن شىن جۇرەكتەن العىسىن ءبىلدىردى. سودان كەيىن مەكتەپ بىتىرۋشىلەرگە ارنالعان سوڭعى قوڭىراۋ سوعىلدى.
